جھێ پیشەسازیا ئاکرێ دێ بیتە پارکەکا گەشتیاری
ئەڤرۆ نيوز:
سەروکێ باژێرڤانیا ئاکرێ دیار کر، ل گۆرەی وێ ماستەرپلانا بۆ باژێڕێ ئاکرێ ھاتیە دانان، پیشەسازیا ئاکرێ کو دکەڤیتە دەرگەھێ رۆژئاڤایێ قەزایێ نامینیت و جھەکێ تایبەت بۆ ھاتیە دابینکرن و دی َھێتە ڤەگوھاستن بۆ دەرڤەی باژێڕی و جھێ وێ ژی دێ بیتە پارکەکا گەشتیاری.
بلند رەزا، سەرۆکێ باژێرڤانیا ئاکرێ بۆ روژناما ئەڤرۆ گۆت: “ھەردەما پیشەسازی ھاتە ڤەگوھاستن بۆ جھێ دیارکری، جھێ پیشەیازیا کەڤن دێ بیتە پارەکا گەشتیاری یا ھەڤچەرخ و دێ سیمایێ باژێڕی جوانتر کەت، ژ بەرکو ئەڤ پیشەسازیە دکەڤیتە دەرگەھێ رۆژئاڤایێ قەزا ئاکرێ”.
ناڤبری گۆتژی: “190 دۆنەمێن ئەردی ل نێزیک گوندێ ئالەرەشێ بۆ پیشەسازیا نوو ھاتینە دیارکرن، گرێبەستێن چاندنێ ل سەر وی ئەردی ھەنە، ھەردەمێ ئەرد بھێتە سەر باژێرڤانیێ ڤە، پیشەسازیا نوکە یا ئاکرێ دێ ھێتە ڤەگوھاستن و جھی وێ دی بیتە پارکەکا مەزن کو نوکە ل نزیک پیشەسازیا ئاکرێ ئوڤەر پاسەک ھەیە، ئەو خانی و جھێن خەلکی کو بەر پارکێ دکەڤن دێ ھێنە قەرەبووکرن ل دەمێ خرابکرنێ”.