ناڤێ يانا نوو يا كريستيانو رونالدۆى ئاشكرا بوو
ئه‌ڤرۆنيوز:
پشتى به‌لاڤبوونا چه‌ندين ده‌نگوباسان ل دۆر چوونا كريستيانو رونالدۆ ژيانا ريال مه‌دريد، رێڤه‌به‌رێ گشتيێ به‌رێ يێ يانه‌كا ئورۆپى ب رێيا نڤيسينه‌كێ ل سه‌ر تۆرا جڤاكى يا تويته‌رى ناڤێ يانا نوو يا كريستيانو رونالدۆى ئاشكرا دكه‌ت.
مالپه‌رێ كالتشيۆ ميركاتۆ يێ ئيتالى به‌لاڤكر كو لوتشيانۆ موجى، رێڤه‌به‌رێ گشتيێ به‌رێ يێ يانا يوڤه‌نتۆس يا ئيتالى ل به‌رپه‌رێ خوه يێ تويته‌رى نڤيسى يه” پشكنينێن نوشدارى بۆ رونالدۆى يێن هاتينه ئه‌نجامدان ل باژێرێ ميونخ يێ ئه‌لمانى”.
ئه‌ڤ ده‌نگوباسه دده‌مه‌كى دهێن پشتى چه‌ندين راپۆرتێن رۆژنامه‌ڤانى به‌لاڤكرى كو يانا يوڤه‌نتۆس يا ئيتالى گرێبه‌سته‌ك ب بهايێ 100 مليۆن يورۆيان پێشكێش كريه بۆ ڤه‌گۆهاستنا رونالدۆى بۆ ناڤ رێزێن خوه.
دهه‌مان ده‌مدا، چه‌ندين رۆژنامێن ئيسپانى به‌لاڤكريه كو بابه‌تێ ڤه‌گۆهاستنا رونالدۆى بۆ يوڤه‌نتۆس يێ هاتيه ئێكلاكرن دكۆمبوونه‌كێ دا دناڤبه‌را سه‌رۆكێ يانا ريال مه‌دريد و بريكارێ رونالدۆى ل باژێرێ مه‌رديد.
رۆژناما (ماركا) يا ئيسپانى ئاشكراكر كو برياربوو ل رۆژا پێنجشه‌مبى 5/7/2018 كۆمبوونا سه‌رۆكێ ريال مه‌دريد وبريكارێ رونالدۆى بهێته كرن ژبۆ وه‌رگرتنا بريارا دووماهيێ وئێكلاكر بۆ ڤه‌گۆهاستنا رونالدۆى، به‌لێ ئه‌و كۆمبوون هاته پێشخستن ول رۆژا چارشه‌مبى 4/7/2018 هاته ئه‌نجامدان.
رۆژناما ئيسپانى دياركر كو بابه‌ت يێ ب دووماهى هاتى ورونالدۆ دێ هێته ڤه‌گۆهاستن بۆ يانا يوڤه‌نتۆس وسالانه دێ 30 مليۆن يورۆيان وه‌رگريت.
