میلیشیاتێن شیعه ژ جه‌له‌ولا ده‌رناكه‌ڤن و كورد به‌رانبه‌رى بێ ده‌نگ ماینه
ئه‌ڤرۆ نیۆز:
ژێده‌ره‌كێ ئاگه‌هدار بۆ مالپه‌رێ پارتى دیموكراتى كوردستان راگه‌هاند، میلیشیاتێن شیعه ل باژێرێ جه‌له‌ولا هاتینه خوه‌جه كرن، و راگه‌هاندینه ئه‌و ده‌ڤه‌رێ بجه ناهێلن به‌رۆڤاژى رێككه‌فتنا هاتیه كرن، زێده‌بارى وێ دیاركر، ئه‌و رێ ناده‌نه پێشمه‌رگه‌ى بچنه سنۆرێن سه‌عدیه.
به‌رى ناها كو پێشمه‌رگه و چه‌كدرێن میلیشیاتێن شیعى رێككه‌فتن ل دۆر وێ چه‌ندێ كربوون كو جه‌له‌ولا دده‌ستێن پێشمه‌رگه‌ى دا بیت به‌رانبه‌رى سه‌عدیه دده‌ستێن چه‌كدارێم میلیشیاتێن شیعان دا بیت.
سه‌باره‌ت دووماهى هه‌لویست و پێشهاتێن ده‌رڤه‌ێ ئه‌ندامێ لیژنا مه‌حلى یا پارتى دیموكراتى كوردستان(محمد ده‌لو) گۆت: میلیشیلتێن شیعى رێ ناده‌نه پێشمه‌رگه‌ى و به‌رپرسێن كوردان ژى بچنه باژێرێ سه‌عدیه، ده‌مێ هنده‌ك ئه‌فسه‌ر و پێشمه‌رگه‌ى بزاڤكرین بچنه باژێرێ ناڤبرى میلیشیاتێن شیعى ئه‌و گولله بارانكرن و نه‌چار بوون پاشڤه‌گه‌رن.
محه‌مه‌د ده‌لوى گۆت: میلیشیاتێن شیعى یێن بناڤێ هێزا خورسان ل چار تاخێن جه‌له‌ولا هاتینه بنه‌جهكرن و به‌رپرسێ وانا دبێژیت ب چو ره‌نگه‌گێ ئه‌و ژ باژێرێ جه‌له‌ولا ده‌رناكه‌ڤن، زێده‌بارى وێ گه‌هشته وى راده‌ى رێ نه‌دایه رێڤه‌به‌رێ ناحیێ(ئه‌نوه‌ر حسێن) دناڤ باژێرێ سه‌عدیه دا ده‌رباز ببیت، ده‌مێ ڤه‌گه‌ریانا وى بۆ باژێرێ جه‌له‌ولا، هه‌ر چه‌نده به‌رپرسێن كوردان ئاگه‌هدارى وان هه‌موو ره‌فتارانه به‌لێ هه‌تا نها بێ ده‌نگ ماینه.