خلیل زاد: هه‌كه كوردان داهاتێ په‌ترۆلێ گرنتى كر به‌غدا دێ ب كونفدرالیێ رازبیت
ئه‌ڤرۆ نیۆز:
بالیۆزێ ئه‌مریكى یێ به‌رێ ل به‌غدا زه‌لماى خه‌لیل زاد بۆ رۆژناما (شه‌رق ئه‌لئه‌وسه‌ت) دیاركر، هه‌كه كورد شیان ب پارێ داهاتێ په‌رتۆلا هه‌رێما كوردستانێ هه‌موو مه‌زاختیێن كۆمپانیێن بیانێ یێن ل هه‌رێما كوردستانێ كارێن ده‌رخستن و لێگه‌ریانا په‌رتۆلێ دكه‌ن گرنتى بكه‌ن، و ئێدى بشتبه‌ستنا خوه ل سه‌ر وه‌رگرتنا پاره‌ى ژ به‌غدا نه‌كه‌ن وى ده‌مى دێ به‌غدا ب نه‌چارى ڤه ل سه‌ر سیسته‌مێ كونفێدرالیێ كوردان رازبیت.
خه‌لیل زاد هه‌روه‌سا گۆت:كوردان دده‌مه‌كێ هه‌ست ب دلگرانیێ دكر، هه‌مبه‌ر جڤاكى نێڤده‌ولى، به‌لێ ب باوه‌ریا من نها كورد گه‌له‌ك ره‌حه‌ت بووینه نه‌خاسمه پشتى پشته‌ڤانیا ئه‌مریكا بۆ كوردان دژى داعشێ و هنده‌ك ده‌وله‌تێن ئه‌وروپى ژى، چونكى هه‌ولێر د مه‌ترسیێ دا بوو و چكدارێن داعشێ چه‌كه‌كێ قورس دده‌ستان هه‌بوو به‌رانبه‌رى چه‌كێ پێشمه‌رگه‌ى كو چه‌كه‌كێ سڤك و ته‌قلیدى هه‌یه، هه‌ولێر نها ب چاڤێ سیسته‌مێ كونفدرالیێ ل گه‌ل به‌غدا نێرینان دكه‌ت، ئه‌ڤه ژى رێككه‌فتنا په‌ترۆلێ دێ پتر ب سناهى ئێخیت.
ل دۆر شیانێن كوردان ب داهاتێ په‌ترۆلێ، خه‌لیل زاد خوه‌یاكر، هه‌كه كورد بڤى ره‌نگى و ب ڤێ له‌زێ برێڤه بچن ئه‌ز باوه‌رم به‌رهه‌مێ وان ژ 600 هه‌تا 700 هه‌زار به‌رمیلێن رۆژانه كێمتر نابیت، وى ده‌مى ئه‌و هه‌موو پوسلێن پارێ كۆمپانیان ب داهتێ خوه دێ ده‌ن.
سه‌باره‌ت گۆتنا قاسم سولێمانى ده‌مێ گۆتى هه‌كه ئیران نه‌با هه‌ولێر دا كه‌ڤیت دده‌ستێن داعشێ دا، خه‌لیل زاده‌ى گۆت: ئه‌ز ل گه‌ل وێ بوچوونێ نینم، یا ئێكێ مه نه‌بیهیستیه ژ كه‌سه‌كى هه‌ولێر دێ كه‌ڤیت!، یا دوێ هه‌تا نها كه‌سه‌كێ خه‌لكى هه‌ولێرێ ژى ئه‌و به‌حس نه‌كریه به‌رۆڤاژى وێ چه‌ندێ هه‌تا نها ره‌وشا هه‌ولێرێ ئارامه و سره‌شتى ب رێڤه دچیت، یا سیێ هه‌كه به‌حسێ وێ چه‌ندێ بكه‌ین دێ بێژم هێرشێن ئه‌سمانى یێن هێزێن هه‌ڤپه‌یمانان ئه‌و چه‌نده راگرتن نه‌ك وه‌لاتێ ئیرانێ، راسته كوردان گۆتیه وه‌لاتێ ئیرانێ هاریكاریا وان كریه و گه‌له‌ك وه‌لاتێن دى ژى هاریكاریا وان كرن، به‌لێ هاریكاریكاریا ئیرانێ ئه‌ز نادانمه د خانا وه‌رچه‌رخانا راگرتنا هه‌ولێرێ دا.