ب به‌لگه…. سەخته‌كاریێن ئێكەتیێ ل كه‌ركووكێ ئاشكرا بوون
ئەڤرۆ نیوز، زنار تۆڤی:
لدووڤ وان داتا و بەلگێن کو هژمارتنا ب ده‌ست یا ده‌نگێن هه‌ڵبژارتنێن پەرلەمانێ عێراقێ هاتینە بەلاڤکرن ، دووپاتیێ ژ هەبوونا سەخته‌كاریەکا مەزن د به‌رژه‌وه‌ندیا لیستا ئێکەتیێ ل كه‌ركووكێ دكه‌ن و ده‌نگێن ئه‌نجامێ ئه‌لیكترۆنی جۆداهیەکا زۆر ل گه‌ل ئه‌نجامێن هژمارتنا ب ده‌ست هه‌یه.
ئه‌نجامێن ب ده‌ست هژمارتنا ده‌نگان ل قوتابخانا پێشه‌وا ل شارۆكچێ داقووق ل باشورێ كه‌ركووكێ ب فه‌رمی ب ده‌ست میدیایێن عێراقی كه‌فتیە و دووپاتیێ ل هەبوونا سەخته‌كاریەکا مەزن دکەن.
ب به‌لگە هاتیه، ل وێستگه‌ها ئێک یا بنگەهێ ده‌نگدانێ ل پێشه‌وا ئه‌نجامێن ئه‌لیكترۆنی 222 ده‌نگ بووینه بۆ ئێکەتیێ و د هژمارتنا ب ده‌ست ب تنێ 125 كه‌سان ده‌نگێ خودایه ئێکەتیێ، هه‌روه‌سا ل وێستگه‌ها دویێ یا بنگەهێ ده‌نگدانێ 220 ده‌نگ ژ ده‌نگدانا ئه‌لیكترۆنی بۆ ئێكەتیێ بوویه و هژمارتنا ب ده‌ست ب تنێ 124 ده‌نگ بووینه و جۆداهی ژی 96 ده‌نگن.
