ل عیراقێ شەش کەسان ب تایا خوینبەربوونێ گیانێ خوە ژ دەستدایە
ئەڤرۆ نیوز ، زنار تۆڤی:
وەزارەتا ساخلەمیا عیراقی دیارکریە، کو هەتا نوکە هەشت حالەتێن تووشبوونێ ب تایا خوینبەربوونێ ھاتینە تۆمارکرن و شەش ژ وان کەسان گیانێ خوە ژ دەست دایە.
سەیف ئەلبەرد پەیڤدارێ وەزارەتا ساخلەمیا عیراقێ د پرێس کۆنفرانسەکێ دا ئامارا توشبویێن تایا خوینبەربوونێ ل عیراقێ بەلاڤکرن و گوت، د ئەڤ سالە دا هەتا نوکە هەشت حالەتێن توشبوونێ ب وێ نەخوشیێ ل عیراقێ ھاتینە تۆمارکرن و شەش کەسان ژ وان گیانێ خوە ژ دەستدایە.
هەروەسا سەیف ئەلبەرد پەیڤدارێ وەزارەتا ساخلەمیا عیراقێ دیارکر ژی، وان وەک حوکمەتا عیراقێ ھەموو بەرھەڤی ژ بۆ بەرھنگاربوونا ڤێ نەخوەشیا کوژەک کرینە.
تایا خوینبەربوونێ نەخۆشیەکا کوژەکە و بۆ ئێکەم جار پشتی شەرێ جیھانیێ دویێ ل سالا 1944 ھاتیە دیتن.