“ھندەک ئالی دژی کوتایا کریستانانە”
ئەڤرۆ نيوز:
پەرلەمانتارەکا کریستیان ل پەرلەمانێ کوردستانێ دیارکر، ئەو پێنچ کورسیێن بۆمە ھاتیە دانان تێرا مە ناکەن و بەلێ نوکە ھنەک لایەن سەرەرای کو پێنچ کورسی بۆمە ھاتینە دیارکرن کاردکەن بۆ وێ چەندێ ئەو کۆرسیێن کوتا ژی نەمینن ھندەک لایەنێن سیاسی بۆ نەھێلانا کورسیێن کوتا پروژە قانون بەرھەڤکرینە پێَشکەشی پەرلەمانێ کوردستانێ کرینە ھندەک لایەنێن دی ژی یێن سیاسی کاردکەن بۆ دەستنیشانکرنا ھندەک مەرجا بۆ وێ چەندێ تورکمان و کریستیان ب ساناھی نەگەھنە پەرلەمانی.
وەحیا یاقۆ ھورمز پەرلەمانتارا کریستیان لە پەرلەمانێ کوردستانێ بۆ روژناما ئەڤرۆ گۆت: ھژمارەکا بەرچاڤا خێزانێن کریستیان ل دەشتا نەینەوا مال و مولکێ وان ھاتیە سوتن ژلایێ حەشدا شەعبی ڤە ھەتا نوکە 300 ھزار ئاوارەیێن کریستیان ژبەر چەکدارێن داعش و حەشدا شەعبی ھاتینە ھەرێما کوردستانێ وھندەک ژی چۆینە دەرڤە ب رەنگەکێ گشتی رەوشا کریستیانا یا خرابەو ھەرەشەیا لسەر ژیانا وان وەک سەردەمێ داعش ، حەشدا شەعبی دڤێت ھەمو کریستیان ئاوارە ببن لەورا بەردەوام گڤاشتنا لسەر دکەن بۆ گوھۆرینا دیمۆگرافیا دەڤەرێ و جوداھی د ناڤبەرا داعش و حەشدا شەعبی دا نینە، بەرامبەر کریستیانان و حکومەتا ناڤەندی چۆ ھاریکاریا کریستیانا ناکەت ،ئەگەر حەشدا شەعبی ل دەڤەرێن کریستیانا بمینن ھەمو دێ ئاوارەیێ کوردستانێ بن .
وەحیدا ئاشکراکر، ھەتا نوکە ئەو کریستیانێن زڤریەڤە سەر جە و مالێن خوە نەھاتینە قەرەبۆکرن ژلایێ حوکمەتا عیراقێ ڤە ، رەنگە ئەوخێزانێن زڤریەڤە جارەکادی لبەر خرابیا ھێزێن ئەمنی ئاوارە ب بنەڤە ب تنێ تلسقوف بیە ناڤەندەکا ئارام بۆ کریستیانان ژ بەر کو پێشمەرگە لێھنە ھەمو دەڤەرێن دی رەوشا وان خرابە ،ل بەسرا دەرگەھێ کلێسایێ ھاتیە گرتن ھژمارا کریستیانان روژ بۆ روژێ ل عیراقێ کێم دبیت، ل موسل ھژمارەکا مالێن کریستیانان ھاتینە سوتن و تالانکرن ژلایێ حەشدا شەعبی ڤە.