پێشبینیا یانێن دێ ئەڤرۆ د پشککێانا قارەمانیا ئوروپا دا کەڤنە بەرامبەر ئێک
ب، ئەڤرۆ:
ب ملیونا کەست ژ حەژێکەرێن تەپا پێ ل ئوروپا و ل سەرانسەری جیھانێ دێ ئەڤرۆ چاڤ ل ئاھەنگا پشککێشانا یاریێن قوناغا دویێ یا قارەمانیا یانێن ئوروپا قارەمانێن خولان بن ل باژێرێ نیون یێ سویسری.
ل گەل دەربازبونا چار یانێن ئەلمانی یێن پشکداری قوناغا ئێکێ یا کومان بووین و دیسان گەھشتنا سێ یانێن ئنگلیزی و ئسپانی پێشبینیا وێ چەندێ دھێتە کرن د پشککێشانێ دا زێدەتر یانێن ئەلمانی و ئنگلیزی ب کەڤنە بەر ئێک، پشتی د قوناغا کومان دا سێ جاران یانێن ئنگلیزی و ئەلمانی کەفتینە بەر ئێک ئەوژی بایرن میونخ و مانچستەر سیتی د کوما پێنجێ دا و بروسیا دورتموند و ئەرسینال د کوما چارێ دا و چێلسی و شالکە د کوما حەفتێ دا.
و ل دووڤ سیستەمێ پشککێشانێ دێ دەلیڤە ھەبیت بو یانێن مانچستەر سیتی و چێلسی و ئەرسینال ب کەڤنە ھەمبەر ئێک ژ یانێن ئەلمانی د ڤی قوناغا دویێ دا چونکو چێ نابیت دو یانێن ئێک وەلات ل ڤی قوناغێ یاریێ د گەلێک بکەن و یا مسوگەرە قارەمانێن کومان ل قوناغا ئێکێ ب کەڤنە ھەمبەر خودانێن رێزا دویێ د کومەکا دی دا و دیسان نابیت ئەو یانێن ژ ئێک کوم ل قوناغا ئێکێ دەربازبوین ل ڤێ قوناغێ یاریێ د گەلێک بکەن.
ل دوڤ ڤان خالان و پێشبینیان و ب رێژا 74.28% ژ سەدێ دبیت یانا مانچستەر سیتی ھەلگرا ناسناڤێ خولا ئنگلتەرا ب کەڤیتە ھەمبەر بروسیا دورتموند و ب ھەمان رێژە یانا بایرن میونخ ب کەڤیتە ھەمبەر ئەرسینال و دیسان یانا چێلسی ل ھەمبەر لێڤەرکوێزن.
و ب رێژا 12.85 ژ سەدێ یانا شالکە یا ئەلمانی ب کەڤیتە ھەمبەر موناکو یا فرەنسی.
ھەرسێ یانێن ریال مەدرید و ئەتلەتیکو مەدرید و بەرشەلونە یانێن دێ کەڤنە ھەمبەر د ئاشکەرا نە ئەوژی یوڤانتوس یا ئیتالی، بازل یا سوێسری، بایرن لێڤەرکوێزن یا ئەلمانی، ئەرسینال و مانچستەر سیتی یێن ئنگلیزی، پاریس سان حجێرمان یا فرەنسی، شالکە یا ئەلمانی، شاختار دونیستیک یا ئوکرانی و بایرن میونخ یا ئەلمانی دێ کەڤیتە ھەمبەر ئێک ژ یانێن یوڤانتوس یا ئیتالی، بازل یا سوێسری، ئەرسینال و مانچستەر سیتی یێن ئنگلیزی، پاریس سان حجێرمان یا فرەنسی، شاختار دونیستیک یا ئوکرانی.
یانێن گەھشتینە ڤێ قوناغێ وەکو قارەمانێن کومان پێکدھێن ژ ئەتلەتیکو مەدرید و ریال مەدرید یێن ئسپانی، موناکو یا فرەنسی، بروسیا دورتموند و بایرن میونخ یێن ئەلمانی، بەرشەلونە یا ئسپانی، چێلسی یا ئنگلیزی، پورتو یا پرتوگالی.
یانێن ل رێژا دویێ گەھشتین پێکدھێن ژ یوڤانتوس یا ئیتالی، بازل یا سوێسری، بایرن لێڤەرکوێزن یا ئەلمانی، ئەرسینال و مانچستەر سیتی یێن ئنگلیزی، پاریس سان جێرمان یا فرەنسی، شالکە یا ئەلمانی، شاختار دونیستیک یا ئوکرانی.
تیمێن بوینە سەرکێشێن کومێن خوە د یاریێن ئێکێ دا یێن قوناغا دویێ دێ یاریێ ل ناڤا یاریگەھێن ھەڤرکیێن خوە کەن ل روژێن17 و 18 و 24 و 25\2\2015 و یاریێن دویێ ل 10 و 11 و 17 و 18\3\2014ێ.
بەری پشککێشانێ راھێنەرێ یانا چێلسی یا ئنگلیزی جوزێ مورینھو یێ پرتوگالی حەزا خوە دیارکریە کو یانا وی ب کەڤیتە ھەمبەر پاریس سان جێرمان یا فرەنسی و زێدەتر ڤی راھێنەری ئەو چەندە ژی دیارکر کو گەلەک ھەلبژارتن یێن ھەین لێ داکو بابەت بو ھەمووان یێ ب ساناھی بیت ئەو دخوازیت یاریێ دژی یانا پاریس سان جێرمان یا فرەنسی بکەت و ئەو حەز دکەت یاریێ د گەل یانێن مەزن بکەت و دیارکریە ژی ھاتن و چونا یاریگەھا یانا فرەنسی دێ بو جەماوەرێ وان یا ب ساناھی بیت و گەلەک پارا نا مەزێخن.