ئاگر ب ئاقارێ چوار گوندان كه‌فتیه‌ و ب تمامى هاته‌ سوتن

ئه‌ڤرۆ نیوز، نه‌وزاد هلۆرى:

ژ ئه‌گه‌ره‌كا نه‌دیار ، ئاگر به‌ربوویه‌ ئاقارێ چوار گوندێن سنوورێ ناحیا باتیفا یا سه‌ر ب قه‌زا زاخۆ، و د ئه‌نجام دا هه‌موو پوش و پاوانێ وان هاتیه‌ سوتن و هه‌تا به‌رهه‌ڤكرنا ئه‌ڤى نوچه‌یى ژى ئاگر نه‌هاتیه‌ كونترولكرن. دڤى واریدا” بێوار عه‌بدولعه‌زیز ” به‌رپرسێ به‌ره‌ڤانیا باژێرى بۆ ئه‌ڤرۆ نیوز گۆت: (ئه‌ڤرۆ ئێڤارى ئاگر به‌ربویه‌ ئاقارێ هه‌رئێك ژ گوندێن شیڤێ ، رێوانێ ، نه‌رمكێ وبلیجانێ ، و بویه‌ سه‌ده‌م كو پوش و پاوان و دارستان و ژینگه‌ها وان گوندان هه‌موو بهێته‌ سوتن)

زێده‌تر گۆت: (سه‌ره‌راى كو تیمێن ئاگر ڤه‌راندنا باتیفا و دارستان و پولیس بزاڤێن كونترولكرنا ئاگرێ وان گوندان دكه‌ن ،به‌لێ هه‌تا نها نه‌هاتیه‌ كونترولكرن) ب گوره‌ى ئاخفتنێن ناڤبرى پولیسه‌ك ژى ژ ئه‌نجامێ دوكێلا ئاگرى توشى ته‌نگه‌ نه‌فه‌سیێ بوویه‌ و گۆت ژى: (هه‌تاكو ئاگر نه‌هێته‌ كونترولكرن ئه‌م چوو ژ زیانێن ئاگرى نوزانین ، به‌لێ ب پشتراستڤه‌ دبێژم ئاگرى زیانێن زور ب ژینگه‌ و پوش و پاوانێ ده‌ڤه‌رێ گه‌هاندیه‌)

کۆمێنتا تە