سه‌رۆك بارزانى جه‌ژنا چلێ هاڤينێ يا كوردێن ئێزدى پيرۆز دكه‌ت
ئه‌ڤرۆنيوز:
سه‌رۆك مه‌سعود بارزانى ب هه‌لكه‌فتا جه‌ژنا چلێ هاڤينێ يا كوردێن ئێزدى په‌يامه‌كا پيرۆزباهيێ ئاراسته‌ى ئێزديان دكه‌ت.
سه‌رۆك بارزانى دپه‌ياما خوه‌دا دبێژيت” ب هه‌لكه‌فتا هاتنا جه‌ژنا چلێ هاڤينێ يا ئايينێ ئێزدى، گه‌رمترين پيرۆزباهيێن خوه ئاراسته‌ى كه‌سايه‌تيێن ئايينێ ئێزدى وخوشك وبرايێن ئێزدى يێن كوردستانێ وسه‌رانسه‌رى جيهانێ دكه‌م”.
سه‌رۆك بارزانى گۆت ژى” ئه‌و جه‌ژنه دده‌مه‌كى دايه كو كوردستان بريندارا وێ كاره‌ساتێ يه كو ژلايێ تيرۆرستان ڤه ب سه‌ر خوشك وبرايێن مه يێن ئێزدى وگه‌لێ مه دا هاتى ونابيت ئه‌و سته‌ما مه‌زن بهێته ژبيركرن”.
دياركر ژى” هيڤيدارم ئه‌ڤ جه‌ژنه ببيته ده‌ستپێكه‌ك بۆ ڤه‌گه‌راندنا خوشك وبرايێن مه يێن ئێزدى بۆ ژيانا ئاسايى وبشێن ل كه‌شه‌كێ ئارام وئاشتيانه دا جه‌ژن وشاديێن خوه بكه‌ن”.