رۆژنامه‌كا عيراقى: عه‌بادى سێ وه‌زيرێن دى ب تۆمه‌تا خه‌مساريێ دێ لاده‌ت
ئه‌ڤرۆنيوز:
رۆژناما (المدى) يا عيراقى به‌لاڤكر كو سه‌رۆك وه‌زيرێن عيراقێ حه‌يده‌ر عه‌بادى دده‌مێ ده‌ستهه‌لاتا وى يا ماى دا، دێ سێوه‌زيرێن دى ب تۆمه‌تا خه‌مساريێ وگه‌نده‌ليێ ژكارێن وان لاده‌ت.
وێ رۆژنامێ دراپۆرته‌كا خوه دا كو ئه‌ڤرۆ دوشه‌مبى 30 تيرمه‌ها 2018 به‌لاڤكرى دياردكه‌ت كو حه‌يده‌ر عه‌بادى سه‌رۆك وه‌زيرێن عيراقێ ل ده‌مێ وى يا ماى د ده‌ستهه‌لاتێ دا دێ هه‌رسێ وه‌زيرێن ساخله‌ميێ وباژێرڤانيان وپه‌روه‌ردێ دوورئێخيت.
دهێته زانين دوهى 29 تيرمه‌ها 2018 عه‌بادى وه‌زيرێ كاره‌با عيراقێ ژكارێ وى لادابوو.
ل ده‌ستپێكا ڤێ هه‌يڤێ وبۆ ده‌مێ چه‌ندين حه‌فتيان، ل پتريا پارێزگه‌هێن باشوورێ عيراقێ ب تايبه‌تى ل به‌سرا خوه‌پيشاندان هاتبوونه ئه‌نجامدان دژى كێمبوونا خزمه‌تگوزاريان ب تايبه‌تى كاره‌ب وئاڤ.