ب وێنه – بۆ جارائێكێ ل هه‌رێمێ ياريێن سه‌ركێشيێن به‌له‌مان هاتنه ئه‌نجامدان
ئه‌ڤرۆ نیوز ، نه‌وزاد هلۆرى:
ب مه‌ره‌ما راكێشانا سه‌رنجا گه‌شتیاران بۆ ناڤ سرۆشت و رووبار و ئاڤێن هه‌رێما كوردستانێ، گرۆپه‌كێ ده‌ڤه‌را بارزان رابوو ب ئه‌نجامدانا سه‌ركێشیێن به‌له‌مان دناڤ رووبارێ گه‌لیێ سولێ كو ئێكه ژ رووبارێن جوان و سه‌رنجراكێش و ت‌ژى به‌رێن مه‌زن و سیپه‌ل ل ده‌ڤه‌را بارزان.
ئه‌نوه‌ر دوله‌مه‌رى، سه‌رۆكێ سه‌نته‌رێ بارزان بۆ چیاڤانى و ژینگه‌پارێزى بۆ ئه‌ڤرۆ نیوز گۆت: (ب مه‌ره‌ما راكێشانا سه‌رنجا گه‌شتیاران بۆ ناڤ سرۆشت و رووبار و ئاڤێن هه‌رێما كوردستانێ، ئه‌م وه‌كو گرۆپه‌كێ بارزان بۆ چیاڤانى و ژینگه‌پارێزى ل ده‌ڤه‌را بارزان رابووين ب ئه‌نجامدانا سه‌ركێشیێن به‌له‌مان دناڤ رووبارێ گه‌لیێ سولێ كو ئێكه ژ رووبارێن جوان و سه‌رنجراكێش و تهژى به‌رێن مه‌زن و سیپه‌ل ل ده‌ڤه‌را بارزان).
زێده‌تر گۆت: (دڤێ سه‌ركێشیێ دا هژماره‌كا چالاكڤان و رۆژنامه‌ڤان و وه‌لاتى پشكداربوون و تێدا چه‌ندین یارى و سه‌ركێشى هاتنه ئه‌نجامدان دناڤ رووبارى دا، رووبارێ گه‌لێ سولێ ئێكه ژ رووبارێن هه‌رى جوان ل كوردستانێ كو یا ت‌ژى ژ سیپه‌ل و به‌رێن مه‌زن و جهێن كوور و ته‌نگ و دیمه‌نێن زۆر جوان تێدا هه‌نه ، دیسان ل به‌ر دیمه‌نێن رووبارى دا هزاران بالنده و كوڤى دهێنه دیتن).
ناڤبرى دیاركر ژى كو درێژاهیا رووبارێ ناڤبرى زێده‌تر ژ 19كم هه‌تاكو دگه‌هیت هاڤینگه‌ها رێزان و هه‌كه لایه‌نێن شوله‌ژێ هاریكاربن، دێ كارێن جوانتر و زێده‌تر ئه‌نجام ده‌ين.
