ب وێنه -ب به‌رهه‌ڤبوونا سه‌رۆك بارزانى 35 سالیا جینوسایدا بارزانیان هاته ساخكرن
ئه‌ڤرۆ نیوز، نه‌وزاد هلۆرى:
ب مه‌ره‌ما رێزگرتن ل خوین و خه‌باتا قوربانيێن جینوسایدا بارزانیان، ئه‌ڤرۆ ل سه‌ر گورستانا جینوسایدكریان ل گوندێ بارزان و ب به‌رهه‌ڤبوونا ب به‌رهه‌ڤبوونا سه‌رۆك بارزانى و هژماره‌كا مه‌زن یبه‌رپرسێن حكومى و حزبى و نوونه‌رێن وه‌لاتێن بیانى و كه‌س و كارێن جینوسایدكریان، 35 سالرۆژا جینوسایدا بارزانیان هاته ساخكرن و تێدا چه‌ندین گوتار هاتنه‌خواندن و چالاكى هاتنه ئه‌نجام دان ، رێورسمێن ساخكرنا جینوسایدێ ژى ژلایێ وه‌زاره‌تا شه‌هید و ئه‌نفالكریان ب هه‌ڤكاریا دام و ده‌زگه‌هێن كارگێری ل ده‌ڤه‌را بارزان هاتن ئه‌نجامدان.
بەرەڤان حەمدی، بریکارێ وەزارەتا كاروبارێن شه‌هيد وئه‌نفالكريان بۆ ئەڤرو نیوز: (وەکو رێزگرتن ل خوین و خەباتا جینووسایدکریێن بارزان ، حوكمەت و وەزارەتا شەهید و ئەنفالکریان یا حوکمەتا هەرێمێ ب هەڤکاریا دام و دەزگەهێن کارگێریێن دەڤەرا بارزان ، سالرۆژا جینوسایدا بارزانین ساخکر و تێدا کۆمەکا چالاکیان هاتنە ئەنجامدان ، بۆ ئێکەمین جار ژی پەیکەرەکێ تایبەت وەکو هێما بۆ جینوسایدا بارزانیان ل دەرگەهێ سەرەکیێ گورستانێ هاتە دانان).
گۆت ژى” جینوسایدکرنا باررانیان د رۆژەکا وەکو ئەڤرۆ دا ل سالا 1983مەرەم ژ ناڤبرنا توخمێ نێرینەبوو ل بارزان و جینوسایدکرنا بارزانیان بەلگەیە ل سەر خەباتا بزاڤا رزگاریخوازیا بارزانیان بۆ کوردستانێ، بارزانیان ژبەر کوردبوونێ گەلەک ستەم و زولم ديتيه”.
دياركر”زێدەباری کو بارودوخێ حوکمەتێ د نهادا سەختە و شیان نینن کو هەموو داخوازیێن کەس و کارێن شەهیدان بهێنە بجهکرن، بەلێ حوکمەت بۆ دابینکرنا پارچێن ئه‌ردى يا سەرکەفتی بوویە و چەندین پارچێن ئه‌ردى هاتینە دبه‌لاڤكرن و ل سەر خزمەتکرنا وان بەردەوامە، دێ بزاڤێن خورت ژی هێنەکرن بۆ زڤراندنا روفاتێن کەس و کارێن وان”.
