ب ئێک ملیون یورۆیا یاریزانەکێ دھۆکێ ھاتە ڤەگوھاستن
ب ئێک ملیون یورۆیا یاریزانەکێ دھۆکێ ھاتە ڤەگوھاستن
ئەڤرۆ نیوز،ھەژار مەعروف:
ستێرا ھێلا ناڤین یا یانا دالکورد و کورێ باژێرێ دھۆکێ رێوان ئەمین ب فەرمی ھاتە ڤەگوھاستن بۆ ناڤ رێزێن یانا ئوسترسوند یا سویدی پشتی چەندین دانوستاندنان دناڤبەرا کارگێرێن ھەردو یانان کو ماوێ زێدەتر ئێک ھەیڤ بوو یانا ئوسترسوند دانوستاندن ل گەل یانا دالکورد کرن بۆ ڤەگوھاستنا وی یاریزانی و دوھی ب فەرمی گەھشتە بارەگایێ یانا ئوسترسوند و فەرمی ھەڤبەستا ئەوی یانێ ئیمزاکر پشتی یانا ناڤبری بھایێ شکاندنا ھەڤبەستا ئەوی دای .
یاریزانێ ناڤبری د دیدارەکێ دا بۆ ئەڤرۆ نیوز دیارکر سەر حەزا وی بوو ئەو ھاتیە ڤەگوھاستن بۆ ڤێ یانێ ژبەرکو ل ڤێ یانێ ئەو دبینت دەرگەھەکێ باشترە بۆ ئەوی ئەو بەر ب پێنگاڤێن مەزنتر بچیت ل ئورۆپا ژبەرکو ئەڤ یانە نوکە ژ یانێن ھەڤرکە دخۆلا سوید دا ھەردیسان ئارمانجا ئەوێ نوکە بوویە برنا ناسناڤێ ھەردیسان پشکداریێن ئورۆپی .
سەبارەت چونا وی ژ دالکورد ناڤبری دیارکر ئەو شیا ئەوێ ئارمانجا دالکورد ل وەرزێ بوری ب جە بینن ئەوژی دەربازبوون بۆ خۆلا پلا نایاب لێ دەستپێکێ ئەو ب ئارمانجەکا ب ھێز ھاتنە دناڤ خولێ دا لێ ل ڤەگوھاستنێن ھاڤینێ رەوشا ئەوان یا دارایی بەر ب لاوازبوونێ ڤە چو لەورا ئەو چەندین یاریزانێن خوە فروتن و ئەوی ژی وەسا دیت ئەو بەر ب یانەکا دی ڤە بچیت بوو ئەوی باشترە ژبەرکو رەوشا نوکە یا دالکورد گەلەک لاوازە.
ژلایەکێ دیڤە ژێدەرەکێ نێزیکی یانا دالکورد دیارکر رێوان ئەمین ب کوژمێ ٨٥٠ ھەزار یورۆیا ھاتیە فروتن کو ئەو کوژمە بۆ یانا دالکوردن ھەردیسان ئوسترسوند ھەڤبەستا رێوان بۆ سێ سال و نیڤان ئیمزاکریە کو سالا ئێکێ موچەیێ ھەیڤانە ١٢ ھەزار یورۆیان دێ پێشکێشی ئەوی کەن ھەردیسان ل سالێن دیڤدا ئەو موچە سال بۆ سالێ ھێتە زێدەکرن ل سەر ئاستێ یاریزانی و ئەوی ژێدەری ئەو چەندە ژی دیارکریە یاریزان بەری ئیمزاکرنا ھەڤبەستێ وەکو دیاریەک کوژمێ ٥٠ ھەتا ١٠٠ ھەزار یورۆیان ژ یانا خوە یا نوو وەرگریت کو ڤەگوھاستنا رێوان ئەمین بۆ ئێک سال ل سەر یانا ئوسترسوند گەھشتە ئێک ملیون یورۆ.