هه‌كه داعش ترسه‌كا جیهانی بیت، لێ بۆ گه‌لێ كورد پیلانه‌كا دییه
له‌وا ب هه‌می شێوه‌یه‌كێ پالپشتیا خۆ فرۆشێن داعشێ دكه‌ن كو ببن رێگر د رێیا هه‌بوون دروستبوونا هه‌ر ده‌وله‌ته‌كا كوردی و ژ به‌ر ڤێ ئێكێ دیاره هێرش و شێلیكرنا هه‌رێما كوردستانێ بۆ خوه كریه ئارمانجا سه‌ره‌كی و ئه‌ڤا دی ب تنێ كه‌ڤله‌كری به‌رگری گرتین خوه كو بازرگانێ ب ناڤێ پیرۆزێ موسلمانه‌تیێ دكه‌ن و ڤێ راستیا وان خوه دیاركر چونكو هه‌می ئۆل و ئاین و نه‌ته‌وه‌یه‌ك ل كوردستان و ده‌ڤه‌رێ كرنه ئارمانج بۆ ژ ناڤبرنێ، چونكو هاتینه راسپاردن چو ئاینه‌كێ نه‌هێلن ب تنێ ئه‌و نه‌یێن یێ هه‌ڤالبه‌ندیا وان بكه‌ن و بێگومان ئه‌ڤا هه‌نێ دیار بوو ل گه‌له‌ك باژێر و ده‌ڤه‌رێن عیراقێ ده‌ست ب رۆخاندن و ژ ناڤبرنا ئه‌وان جهێن پیرۆز كرن بیَِ جوداهی بۆ هندێ هه‌می خه‌لكه‌كێ بده‌ن ره‌ڤاندن و ڤێ راستی دایه سه‌لماندن ئه‌ڤا هه ل ژێر په‌روه‌رده‌یه‌كا ڤه‌شارتی سیاسه‌تا هنده‌ك خوه‌په‌رست و دوژمنێ موسلمانه‌تی د هاته‌كرن و هه‌لبه‌ت ئه‌ڤه دووره ژ بریار و فه‌رمۆدێن خودێ ژ به‌ر كو خودایێ مه‌زن د ئایه‌ته‌كا قورئانا پیرۆز دا دبێژیت ((من قتل نفساً بغیر نفسٍ أو فسادٍ فی الارچ فكانما قتل ناس جمیعاً ومن أحیاها فكانما أحیا الناس جمیعاً))و ل ڤێ رێ هه‌ژییه بێژین كو ئه‌ڤێن خوه كرین ئالا هه‌لگرێ په‌یاما پیرۆزا بسلمانه‌تیێ لێ دیاره ئه‌ڤان ئایات و گۆتنێن خودایێ مه‌زن نه‌خواندینه و یانژی نه‌ڤێن ببینن و ئه‌گه‌رنه دێ چاوا شێن كوشتن و سه‌ربرین و هنداكرنا خه‌لكه‌كێ بێ ده‌سه‌لات حه‌لال كه‌ن و هه‌روه‌سا خه‌لكه‌كێ بێ گونه‌ه ئاواره و ده‌ربه‌ده‌ر بكه‌ت و ژره‌خه‌كێ دیڤه ره‌نگه ئه‌ڤێن ل پشت وان پرۆژه‌یه‌كێ دی ژی هه‌بیت كو ب ناڤێ بوسلمانه‌تیێ جیهانا سیێ ژی و په‌یدا بكه‌ن ژبۆ به‌رسینگ گرتن و هه‌ڤركیا ئه‌وان هه‌ردو هێزێن ئیرۆ سه‌ركێشیا جیهانێ دكه‌ن كو ئه‌ڤێن ئیرۆ ململانێ دكه‌ن ل سه‌ر داگرتن و كونترۆلكرنا جیهانی َو ده‌ڤه‌رێ دكه‌ن و هه‌ولێن به‌رچاڤ هه‌نه دگه‌ل هه‌ڤال و هه‌ڤ چه‌په‌رێن خوه بۆ به‌رژه‌وه‌ندو به‌رفره‌هكرنا سنۆر و پێگه‌یێن خوه ل ده‌ڤه‌رێ ل سه‌ر ڤێ ئێكێ ئه‌ڤا هه به‌رسڤه‌كه كو دیتنێن ل سه‌ر جیهانا سیێ شۆل بكه‌ن و ناهێته ڤه‌شارتن كار ل سه‌ر ڤی پرۆژه‌ی هه‌یه ئه‌ڤه ژی پشتگه‌رمیا ئه‌ڤان رێكخراو و گرۆپێن رادیكال و توندره‌و و تیرۆری بكه‌ن راستیا ڤێ دیار دبیت چونكو ئیرۆ زۆربه‌یا وه‌لاتێن جیهانی ئه‌ڤ گرۆپ و بزاڤێن ئیسلامی كار دكه‌ن و ئه‌كید پالپشتی و پشته‌ڤانیا وان هه‌یه و هه‌ولێن وێ چه‌ندێ ژی هه‌نه گه‌له‌ك بهێز بێخن و دیاره چه‌ته‌یێن داعش ئیرۆ شیا چه‌قێ مه‌ترسیا خوه به‌ر فره‌ه بكه‌ن و ل گه‌له‌ك وه‌لات و ده‌وله‌تێن ده‌ڤه‌رێ په‌یدابووینه،ئه‌ڤه ژی دزڤریت بۆ وێ پالپشتیا ئه‌وێن ده‌نه ئاراسته‌كرن و بێگومان نه‌خشه‌دارێن وان ب هه‌می شێوه‌یه‌كی هاریكاریا وان دكه‌ن كو ئه‌و خه‌ونێن هه‌یین جێ به‌جێ ببن و بگه‌هنێ و راستیا ڤێ ل گۆر ئه‌ڤێ سه‌ربه‌ردانا داعش مه‌ترسیا خوه زێده كرییه، چونكو چو مرۆڤ و مرۆڤاتی ل ده‌ف په‌یدا نابن و ل سه‌ر ڤێ چه‌ندێ ل دووڤ دیتنا شرۆڤه‌كارێن زانستی و سیاسی هنده‌ك به‌رهه‌مێن جڤاكا نێڤده‌وله‌تی هه‌نه كو شه‌ڕێ سیێ جیهانێ ئه‌ڤرۆ ل گۆره‌پانێ دایه ل بن ناڤێ تیرۆرێ و له‌ورا هێز و هه‌ڤپه‌یمانی هه‌نه و دروست دبن و ئه‌كید گه‌لێ كورد و هه‌رێما كوردستانێ ژی كه‌تیه د ڤی بازنێ هه‌ڤپه‌یمانیا نیڤده‌وله‌تی دا وه‌كو ئه‌ندام دئێته دیتن چونكو پشتراستیه‌ك بۆ جیهانا ئه‌ڤرۆ په‌یدابوویه گه‌لێ كورد و پێشمه‌رگه‌ی كوردستانێ شیایه به‌ر سینگا تیرۆرستێن داعش بگریت و ئه‌كید دهێته دیتن پێشمه‌رگه‌ی شیایه وی سیحرا به‌ر به‌لاڤ داعشێ بره‌ڤینیت و ل هه‌ر به‌رۆكه‌كێ شه‌ڕی ب سه‌ر شۆری و شه‌رمزاری ڤه وان بشكێنن و نوكه ژی ل غابا داعشێ كه‌تیه د ده‌ستێ پێشمه‌رگه‌ی دا و ئه‌و دزانن چاوا بینن و ببن.
دیسا مه دڤێت جاره‌كا دی ب پشتراستیڤه بێژین و بچین بۆ ئه‌وێ هێلا دورست كو ئه‌ڤ شه‌ڕێ ئه‌ڤرۆ به‌ر به‌لاڤ بووی ب تنێ ل سه‌ر كورد و هه‌رێما كوردستانێ هاتیه سه‌پاندن و ژبه‌ر كو ئه‌ڤه ئاور و دیتنا نه‌حه‌زێن گه‌لێ كورد چونكو دبینن گه‌لێ كورد د هه‌ر واره‌كێ دا چوویه پێش و هاتیه ناسكرن له‌وا كورد بوویه ئارمانجا هێرشێن دوژمنان دڤێت ب ڤی هۆڤاتی و مه‌ترسێ گه‌لێ مه بره‌ڤینن لێ ئه‌و نه‌زانیه گه‌لێ كورد گه‌له‌ك قووناغان دا ده‌ربازبوویه، هه‌روه‌سا ده‌م بۆ ده‌می پیلان بۆ هاتینه گێران،لێ ئه‌م دشێن وێ بێژین ئه‌ڤرۆ شێوازێن پیلانێن خوه گوهۆرینه و نوكه ب ئاوایه‌كێ نهێنی كارێ دهێته كرن و ره‌نگه ئه‌ڤا دی ژی هاتبیت ژبیركرن كو گه‌لێ مه رۆژین نه‌خۆش و ته‌نگاڤی ب چیا و شۆره‌شێن خوه ڤه نه‌ره‌ڤینه و ل سه‌ر ئه‌و قوربانێن بێ راوه‌ستان شیایه ئیرۆ هه‌ڤالی و هه‌ڤبه‌ندیا جڤاكێ نێڤده‌وله‌تی ب ده‌ستڤه‌بینت و ئه‌م دشێن وێ ژی پشتراست بكه‌ین كو ئه‌ڤا هه دزڤریت بۆ دلسوزی سیاسه‌تا حه‌كیمانه یا سه‌رۆك بارزانی و ب وی ناسیاری و رێببه‌ریا جه‌نابێ وی شیایه ره‌ئیا جیهانا ئه‌ڤرۆ بۆ گه‌لێ كورد ب كێشیت و هێز و هه‌ڤپه‌یمانیا نێڤده‌وله‌تی بیت ل سه‌ر هێلا به‌ره‌ڤانیا گه‌لێ كورد ل سه‌ر شه‌ڕسێ دژی تیرۆرێ و راستیا وێ ئه‌ڤرۆ كورد و هه‌رێما كوردستانی وه‌كو ئه‌ندامه‌كێ نێڤده‌ولی دهێته ژمارتن و ئه‌ڤه د وارێ پراكتیكی دا دان پێدانه‌كه ب كێشه و هه‌بوونا گه‌لێ كورد دهێته‌كرن و ل سه‌ر ڤێ ئێكێ ب میدیا و راگه‌یاندنێن نێڤده‌ولی ده‌نگێ كورد و هه‌رێما كوردستانێ ل ناڤه‌ندێن جیهانێ بلند بوویه ب تایبه‌تی مێرانیا گه‌لێ كورد و قاره‌مانیا پێشمه‌رگه‌ی ل سه‌ر شه‌ڕێ دژی تیرۆرستێن داعشێ به‌رز هاتیه نرخاندن و ئه‌م باوه‌رین بۆ ڤێ خۆراگریا گه‌لێ كورد رۆژێن ده‌وله‌تبوونا خوه نێزیكرن.
