یان کوپیچ: حوکمەتا نوو د دەمەکێ نێزیک دا دێ ھێتە پێکئینان
ئەڤرۆ نيوز:
سەرۆکێ تیمێ نەتەوێن ئێکگرتی بۆ ھاریکاریا عیراقێ راگەھاند، حوکمەتا نوو یا عیراقێ د دەمەکێ نێزیک دا دێ ھێتە پێکئینان.
یان کوپیچ د روونشتنا خوە یا دووماھیێ دا ل جڤاتا ئاسایشا نێڤدەولەتی دیارکریە، کو دەلیڤەکا مەزن ھەیە لێڤەگەرێ مەزنێ شیعان عەلی سیستانی کارتێکرنێ ل ھێزێن سیاسی یێن عیراقی بکەت، ھەروەسا داخواز ژی ژ حەیدەر عەبادی کریە کو بەردەوامیێ بدەتە سیاسەتا خوە یا ئاسایکرنا پەیوەندیان ل گەل وەلاتێن جیران، ب تایبەت سعوودیێ و وەلاتێن کەنداڤی.
کۆبیچی ئاشکرا ژی کر کو دبیت ھەتا جەژنا قوربانی حوکمەتا نوو بھێتە پێکئینان، ھیڤی ژی خواستیە کو ئالیێن سەرکەفتی بگەھنە قۆناغا دووماھیێ یا دانوستاندنێن پێکئینانا حوکمەتێ و گۆت:(پێدڤیە حوکمەتا نوو یا عیراقێ داخوازیێن عیراقیان بجھبینیت).