رهوشتێ ئایینى بلا ب تنێ د مهها رهمهزانێ دا نهبینن!
رێژین عهلى
پهروهردهكرنا ئیسلامى ئانكو گرنگیدان ب گهشهكرنا لایهنێن جودا یێن مرۆڤێ موسلمان وهكى لایهنێ هزرى؛ ههست و سوز؛و لهشى ؛و چڤاكى و زیدهبارى رێكخستنا رهوشتى ل سهر بنیاتێ بیروباوهر و زانیاریێن ئایینى ژبۆ ب دهستڤهئینانا وان ئارمانجێن ئاینێ ئیسلامى داناین بۆ ههمى لایهنێن ژیانا مرۆڤێ موسلمان ئهوێن كو گرنگیهكا مهزن ههین بۆ ئاڤاكرنا جڤاكهكێ ئیسلامى یێ موكم كو شیانێن رووبرووبوونا ههر ئاستهنگهكا دهرڤه ههبیت و رۆلهكێ چالاك ههبیت بۆ بلندكرنا پهیڤا خودایێ مهزن و پهیڤا راستى د ههمى جهێن ل سهر روویێ عهردى دا، ئاڤاكرن و پهروهردهكرنا تاكهكێ موكم ل سهر ڤان بنهمایان یا پێدڤى و گرنگه د جڤاكهكێ وهكى یێ مهیێ دا، ئهڤرۆ ئهم تێدا دژین، چونكى تاكهكهسێ مهیێ لاوازه ژ پهروهردهكرنا ڤان بنهمایان ڤه، خهمساریا ڤى لایهنێ پهروهردهیێ یا گرێدایه ب چهندین لایهنان ڤه، لایهنێ ئێكێ كو زوور یێ گرنگه، ئهو ژى خێزان ئانكو دایك و بابن خیزان قوتابخانا ئێكهمینه كو بشێت هزرا ڤى تاكێ موكم بكهت، ژ ڤى لایى ڤه، ئهگهر بهراوردیێ بكهین ل گهل وهلاتێن بیانى، دێ بینن كو زارۆ یان سنێلهیان ئهو تاكێ تازهپێ دگههیت ژخالێن دهسپیكێنه د ژیانا وان دا گرنگیهكا زوو ب پهروهدهكرن ددهن ژ ههر لایهكى ڤه، بهلێ د جڤاكێ مهدا دى، بینن داكو ئهو دایكه زارۆیێ خوه مژوول بكهت دێ مژوولى ئامیرهكێ ئهنترنێت یان ههر یاریهك بیت دێ كت دا كو ڤالاهیا ڤى زارۆیى پى پڕبكهت بهروڤاژى ئهو نزانیت كو ئهو زاررۆیه یه دبیته سنێله و پێدگههیت و دبیته پاشهرۆژ بۆ ڤى جڤاكى، بهلێ پا تاكهكێ ساده و ڤالا و دوور ژ رهوشتێن جوان، ژ لایهنێن دیتر یێن گرنگ قوتابخانه و سیستهمێن چاڤلێكرین وهلاتێن بیانى یێن كو ئێك ل دووڤ ئێك دهێن گوهۆرین، بێى كو هزر بكهن، ئهرێ ئهم پێدڤى بچین، ههر دیسا نهبوونا مامۆستایێن بسپۆرێن ئاینى ههكه ههبن وانهك دیتر دێ ل سهر هێته بهلاڤكرن، ئهڤه ژى ل ڤێره دێ رۆلهكێ خهمسار گێریت ژ ڤى لایێ پهروهردێ ڤه، دێ شێن بێژین وانه پهروهردێ ژ وانێن لاوهكى نه د سیستهمێ پهروهردا مهدا، ل ڤێره ژى ئهڤ قوتابیێ ههنێ دێ ژ وێ پهروهردى وان رهوشت و بنهمایێن جوان و پیرۆز هێته بێباركرن، ههر ژێ لایهنێن گرنك و خهمسار د ڤى وارى دا مامۆستاێن ئاینى نه مامۆستاین مهدشێن ب ریێا دهزگههێن راگههاندنێ، ههر چ پرۆگرامهك، یان بهلاڤۆكهك، یان بهریكانهیێن گرێدایى رهوشت و بنهمایێن پیرۆزێن ئاینێ مه ـ بهلاڤ بكهن، بلا تنێ دهركهتن و ئامۆژگاریێن ئایینێ خوه د مهها رهمهزانێ دا نهبینن، بهلكو هزرا ڤى تاكێ ههر سنێله حهتاكو پێ دگههیت بلا یا پر بیت ژ ڤان بنهمایان، ههردیسا نهبوونا پرۆگرامهكێ بهردهوام ج بۆ ژیێ زارۆیى بیت یان سنێلهى بیت ئێكه ژ خالێن كێمه د تلفزیۆن و دهزگههێن راگههاندنێن مهدا ئهڤ هۆكارێن ههنى دگهل چهندین هۆكارێن دیتر رێخۆشكهرن بۆ هندێ تاكێ مه تاكهكێ هزر ساده بیت و كێم پهروهردهیا ئاینى بیت، ئهڤ چهنده ژى بهرێ ڤى تاكى ددهته رێیێن خراب وهك گۆشت، دزى، درهو، هزرێن توندرهو، رێیێن تێكدهر دێ ل بهر ڤهبن، بێ كو ترس و شهرمهك ههبیت دێ بهر ب ڤان رێیان ڤهچیت د ئهنجام دا پێكهاتێن جڤاكێ مه دێ هزر لهنگ و ڤالا بن، بهر ب جڤاكهكێ كیمئهندام ڤهچین.
