ئه‌ڤرۆ نيوز هژمارا وه‌لاتيێن گرتى د زيندانێن داعش دا به‌لاڤ دكه‌ت
ئه‌ڤرۆ نيوز، رەزوان رۆژبەیانی:
به‌رپرسێ راگه‌هاندنا لقا 14 يا پارتى ديموكراتى كوردستان ل مووسل راگه‌هاند كو ب گۆره‌يى ئاماره‌كا ب ده‌ست وان كه‌فتى ل مووسل هزار و 400 كه‌س د زيندانێن داعش دانه و هنده‌ك ژ وان چاره‌نڤيسێ وان نه‌يێ دياره.
سەعید مەموزینی بەرپرسێ راگەھاندنێ ل لقا 14 یا پارتی دیموکراتی کوردستان ل پارێزگەھا مووسل بۆ ئەڤرۆ گۆت: “دوھی ب شەڤ ل رێکەفتێ 15-16\12\2014 فرۆکێن ھەڤپەیمانان ل سنورێ باشیک بنگەھێ چەکدارێن داعش بومبەباران کرن و د ئەنجام دا پێنج داعش ھاتنە کوشتن”.
گۆتژى: ” ل میحوەرێ بەنداڤا مووسل ژی ھێزێن پێشمەرگەيى بنگەھێن داعش بومبەران کرن و د ئەنجام دا 11 داعش ھاتنە کوشتن، ل تلکێف ژى چەکدارێن داعش مژوولی دانانا بومبێن ڤەدایی بوون، بەلێ ژ نشکەکێ ڤە بومبەک د دەستێ وان دا پەقی و سێ داعش ھاتنە کوشتن و سەرجەمێ کوشتێن داعش یێن شەڤا چووی بوونە 19 كه‌س”.
دیار ژی کر کو ئامارەک گەھشتیە بەردەستێ وان ل دووڤ وێ ئامارای ھەزار و 400 کەسێن سڤیل و یێن دی ل ناڤ مووسل د زیندانێن داعش دانە، بەلێ ژ وان گرتیان 487 کەس چارەنڤیسێ وان نە دیارە و بەرزەنە کە س چو ژێ نزانن کا مانە یان کوشتینە یان بەرەف کیڤە برینە.