پۆتن و رۆحانى كۆم بوون
ڤلادمێر پوتین، سهرۆكێ روسیا و حهسهن ڕوحانی، سهرۆك كومارێ ئیرانێ د ههڤدیتنهكێ ده، د چارچوڤێ گوپیتكا چاردهورێ دهریایا قهزوینێ كۆمهكهپرسان گوتوبێژ كرن د پێشیا ههموویان ژی پرسا سوریێ.
ل دوور ڤێ یهكێ ئاژانسا نۆڤۆستی، بهلاڤكریه كو پوتین د ههڤدیتنێ ده، گوتیه تا رادهیهكه زۆر ئالیكاریا ههڤدو دكهین و چهندین پرس ل دوور چاردهورێ دهریا قهزوین دناڤا وان دا ههنه، ههڤدهم ل دوور چهندین ئالۆزیێن گرنگێن دن ژ وان ژی ئالۆزیا سوریێ. پوتین گوت ژی ل دوور ڤێ پرسا ئالۆز پهیوهندیا مه تهڤی ههڤبهشێن مه بهردهوامه. ههڤدهم تهكهزی ل سهر گرنگی یا دوو ئالی كر.
ئهڤ ههڤدیتنا ناڤبهرا سهرۆكێ روسیا و سهرۆكێ ئیرانێ د چارچوڤێ پێنجهمین كۆنگرهیا گوپیتكا وڵاتێن دهردوورا قهزوینێ تێ كو ههریهك ژ سهرۆكێ روسیا و ئیران و كازاخستان و ئازهربایجان و توركمانستانێ تێدا بهشداربوون.
د داوییا كۆنگرهیێ ده كو ل باژارێ ئهكتاو ل كازاخستانێ بداوی هات رێكهفتنهكه دیرۆكی ل دوور رهوشا یاسایی یا دهریایا قهزوینێ و چاوانی یا مفا وهرگرتن ژ سامانێن وێ هات ئیمزه كرن.
