ب ڤیدیۆ – بازارێ كرین و فروتنا ته‌رش و كه‌والى بۆ جه‌ژنا قوربانێ ل شێلادزێ گه‌رم بوویه‌

ئه‌ڤرۆ نیوز، نه‌وزاد هلۆرى:

سالانه‌ دناڤبه‌را كومه‌لگه‌ها سیریێ و شێلادزێ بۆ چه‌ند روژان بازارێ كرین و فروتنا ته‌رش و كه‌والى دهێته‌ڤه‌كرن ، و بكل ده‌ڤه‌را بارزان و دینارته‌ و ئامێدیێ و سه‌رسنك و چه‌ند ده‌ڤه‌رێن دن قه‌ستا وى بازارى دكه‌ن بو كرینا  ئێك ژ جورێن ته‌رش و كه‌والى داكو ل رۆژا جه‌ژنا قوربانێ بكه‌ن قوربانى.

فروشیارێن وى بازارى بو ئه‌ڤرۆ نیوز دده‌ن دیاركرن كو جوداهیه‌كا مه‌زن دناڤبه‌را بازارێن شێلادزێ ل گه‌ل بازارێن دن هه‌یه‌ ئه‌و ژى ئه‌وه‌ كو ژبلى فروتنا ته‌رش و كه‌والێن قوربانێ دهه‌مان ده‌م دا ئه‌و ته‌رش و كه‌والى بو بكران هه‌تا روژا جه‌ژن ب خودان دكه‌ن و دبێژن: (خه‌لكێ ده‌ڤه‌را بارزان و دینارته‌ و هه‌تا سه‌رسنكێ قه‌ستا بازارێ كرین و فروتنا ته‌رش و كه‌والێ قوربانان ل شێلادزێ دكه‌ن ، و ئه‌و گه‌له‌ك هاریكاریا خه‌لكى دكه‌ن)

بكرێن ته‌رش و كه‌والى بو ئه‌ڤرۆ نیوز دده‌ن دیاركرن كو بازارێ كرین و فروتنا ته‌رش و كه‌والى ل شێلادزێ بازاره‌ك گونجایه‌ و دبێژن: (سه‌ره‌راى كو موچه‌ نینن و قه‌یرانا دارایى یه‌ به‌لێ به‌شه‌ك ژ وه‌لاتیان قه‌ستا بازارى دكه‌ن بو ده‌ستنیشانكرن و كرینا ته‌رش و كه‌والى بو رۆژا جه‌ژن چونكى قوربانى خێره‌كا مه‌زنه‌).

کۆمێنتا تە