پاپايێ فاتيكانى ب ڤه‌شارتنا كه‌يسێن ده‌ستدرێژيا سكسى يێن زه‌لامێن ئاينى دهێته‌ تۆمه‌تباركرن

ئه‌و به‌رپرس لايه‌رێن نهێنى يێن پاپا فرانسيس ڤه‌دكه‌ت و كارلۆ ماريا فيگانۆ، نوونه‌رێ زانايێ مه‌زن “پاپايێ رۆما” د ماوێ ناڤبه‌را سالێن 2011 – 2016 ل واشنتۆن به‌ياننامه‌كا 11 لاپه‌رى ل سه‌ر ئه‌وێ پرسێ ئاماده‌ كريه‌ و ژ لايێ ميديايێن كاسولۆكى ڤه‌ هاتيه‌ به‌لاڤكرن.

ئه‌و به‌ياننامه‌ ليسته‌كا دوور و درێژه‌ و ناڤێ وان كه‌ساتيێن ئاينى  يێن نوكه‌ و به‌رێ ب خوه‌ ڤه‌ دگريت كو يێ به‌رپرسه‌ ژ د دوسيێن ڤه‌شارتنا تێكهه‌لى و ده‌ستدرێژيا سكسكى يێن ماكاريك، كو پشتى ده‌ستدرێژى كريه‌ سه‌ر كوڕه‌كێ 16 سالى، ماكاريك ل هه‌يڤا بۆرى ده‌ست ژ كار كێشا.

فيگانۆ د به‌ياننامه‌كێ دا ئاماژه‌ ب وێ چه‌ندێ كريه‌ كو ل سالا 2006ێ به‌رپرسێن ڤاتيكانێ ژ وێ چه‌ندێ ئاگه‌هدار كرينه‌ ده‌ما ماكاريك ل نيوجێرسى د ماوێ سالێن 1981 – 2001 پۆستێ ئه‌سقۆف ب ده‌ست ڤه‌ ئينايه‌، قانوونێن كه‌نيسا كاسۆليك بن پێ كرينه‌ و ده‌ستدرێژيێن سكسى كرينه‌ سه‌ر ب ده‌هان قوتابيێن قوتابخانێن سه‌ر ب وان كه‌نيسان ڤه‌، به‌لێ به‌رپرسێن ڤاتيكان چو به‌رسڤ بۆ وان نه‌بوون.

ل سالا 2013ێ ژى سه‌رۆكێ ئه‌سقه‌فيان ئێكسه‌ر گۆمان ل دژى كاردينالێ ئه‌مريكى گه‌هاندينه‌ پاپا فرانسيس، به‌لێ فرانسيس خوه‌ ژ وێ پرسێ ڤه‌دزيه‌ و چو پێنگاڤ ب روويێ ڤه‌كۆلين د وى بابه‌تى دا نه‌هاڤێتينه‌.

ڤيگانۆ كو به‌رى نوكه‌ ژى ره‌خنه‌ ل ده‌سته‌لاتدارێن ڤاتيكان گرتبوو گۆت: “چه‌ندين جاران من داخواز ژ پاپا فرانسيس كريه‌ كو د ناڤ كه‌نيسێ دا گرێدايێ شه‌فافيه‌تێ بن.. د وى ده‌مێ دراماتيكى ژى دا پێدڤيه‌ دانپێدانێ ب وێ خه‌له‌تيێ بكه‌ن و پابه‌ندى وى بنه‌مايى بن كو ئه‌و كار چو جاران ل گه‌ل وى بنه‌مايى ناگۆنجيت كو وى ب خوه‌ راگه‌هانديه‌، پێدڤيه‌ ل گه‌ل هه‌موو وان كاردينال و ئه‌سقوفا ده‌ست ژ كار بكێشيت، كو پێشێلكاريێن ماكاريك ڤه‌شارتينه‌”.

هه‌ر چه‌نده‌ پاپا فرانسيس د سه‌ره‌دانا خوه‌ يا نوكه‌ ل ئيرله‌ندا دا، د نامه‌كێ دا شكه‌ستنا كه‌نيسێ راگه‌هاند كو نه‌شيايه‌ رێگريێ ل بنپێكرنا سكسى يا زه‌لامێن ئاينى بكه‌ت، به‌لێ قوربانيێن ڤان كه‌يسان دده‌نه‌ دياركرن كو ئه‌و دانپێدانێن پاپايى به‌س نينن بۆ وێ چه‌ندێ ڤێ خالا ره‌ش يا مێژوويى ڤه‌شێرن كو ل سه‌ر كه‌نيسێن كاسولۆكى هاتيه‌ دانان.