فوئاد مه‌عسوم دخوازيت دووباره ببيته سه‌رۆك كۆمار
ئه‌ڤرۆ نيوز:
به‌پرسه‌كێ ئێكه‌تى نشتيمانى كوردستان راگه‌هاند كو فوئاد مه‌عسوم پارتيا خوه ئاگه‌هدار كريه كو ئه‌و دخوازيت دووباره ببيته سه‌رۆك كۆمارێ عيراقێ.
زۆبێر عوسمان جێگرێ جڤاتا ناڤه‌ندى يا ئێكه‌تى نشتيمانى كوردستان د داخۆيانيه‌كێ دا بۆ مالپه‌ره‌كێ نێزيك ئێكه‌تيێ راگه‌هانديه كو به‌رى چه‌ند رۆژان فوئاد مه‌عسوم سه‌رۆك كۆمارێ عيراقێ يێ نوكه داخوازيه‌ك پێشكێشى سه‌ركرداتيا ئێكه‌تيێ كريه تێدا داخواز دكه‌ت كو دووباره ببيته سه‌رۆك كۆمارێ عيراقێ.
ئاشكه‌را ژى كر كو وان وه‌كو ئێكه‌تى محه‌مه‌د سابر بۆ ڤى پۆستى به‌ربژار كريه و هێشتا داخوازيا فوياد مه‌عسۆم نه‌گه‌هشتيه جڤاتا ناڤه‌ندى يا ئێكه‌تيێ و ژبلى فوئاد مه‌عسۆم هنده‌ك كه‌سێن دژى حه‌زا خوه بۆ وه‌رگرتنا وى پۆستى دياركريه.
هه‌ر چه‌نده پارتى ديموكراتى كوردستان پۆستێ سه‌رۆك كۆماريا عيراقێ ب مافێ خوه دزانيت، به‌لێ هێشتا چو تشتێ فه‌رمى ژى نه‌هاتيه راگه‌هاندن كا سه‌رۆك كۆمار دێ ژ پارتى يان ئێكه‌تى بيت.
