كه‌ناله‌كێ ئه‌سمانى ل هه‌رێما كوردستانێ دێ هێته داخستن
ئه‌ڤرۆنيوز:
كه‌نالێ خه‌ندان يێ به‌رهه‌م سالحى سه‌رۆكێ هه‌ڤپه‌يمانيێ بۆ ديموكراسى ودادپه‌روه‌ريێ كو نڤيسينگه‌ها وێ يا سه‌ره‌كى ل سلێمانيێ يه دێ هێته داخستن.
رێڤه‌به‌رێ كه‌نالێ خه‌ندان يێ ئه‌سمانى كو ئه‌و كه‌ناله زمانحالێ حزبا به‌رهه‌م سالحى يه راگه‌هاند” رۆژا سێشه‌مبى 28/8/2018 رێڤه‌به‌ريا كه‌نالێ خه‌ندان كارمه‌ندێن خوه ئاگه‌هداركرن كو هه‌ر ژ رۆژا چارشه‌مبى 29/8/2018 گه‌شتێن ده‌نگوباسان يێن سياسى ووه‌رزشى وئابوورى وفه‌رهه‌نگى ل كه‌نالى نامينن، تنێ به‌خشێ لاوه‌كى يێ كه‌نالى دێ مينيت”.
ناڤبرى زێده‌تر بۆ باسنيوز گۆت” هه‌موو په‌يامنێرێن سلێمانيێ وباژێر وباژێركان يێن هاتينه ئاگه‌هداركرن كو هه‌ر ژ رۆژا چارشه‌مبى 29/8/2018 هه‌ر چ كاميره ومايك وئاميرێن كه‌نالى ل ده‌ف هه‌نه راده‌ستى رێڤه‌به‌ريا كه‌نالى بكه‌ن ورۆمالا چو چالاكيه‌كێ نه‌كه‌ن”
دياركر ژى” ده‌مێ پتر ژ هه‌يڤه‌كێ يه رێڤه‌به‌ريا كه‌نالێ خه‌ندان كارمه‌ندێن كه‌نالێ ئاگه‌هدار كرينه كو بۆ خوه ل كاره‌كى بگه‌رن، چونكى ل ده‌مه‌كێ نێزيك دا به‌خشێ كه‌نالێ خه‌ندان دێ هێته راگرتن”.
ئاماژه دا ژى” هه‌تا نوكه رێڤه‌به‌ريا كه‌نالى ب راشكاوى نه‌گوتيه كارمه‌ندێن خوه كو كه‌نال دێ هێته داخستن، به‌لێ يێن ئاگه‌هداركرين كو ل قۆناغا دويێ دێ ب ستافه‌كێ نوو كه‌نالێ خه‌ندان ده‌ست ب به‌خشكرنا به‌رنامێن خوه كه‌ت”.
