وەزیرێ دەرڤە یێ ئیرانێ سەرەدانا تورکیا کر
ئەڤرۆ نیوز:
محەمەد جەواد زەریف وەزیرێ دەرڤە یێ ئیرانێ ب سەردانەکێ گەھشت ئەنقەرە و دگەل سەرۆکی تورکیا رەجەب تەیب ئەردوغان جڤیا.
سەرۆکێ تورکیا رەجەب تەیب ئەردۆغان ل بارەگەھا ئاک پارتی ل ئەنقەرە ب ئامادەبوونا مەولود چاووش ئۆغلۆ وەزیرێ دەرڤە یێ تورکیا دگەل زەریف دە جڤیا . بەری جڤینێ ئۆغلۆ بال کشاند بوو سەر وێ یەکێ کو پەیوەندیێن دووئالی یێن ھەردوو وەلاتان و دۆسێ یا سوریا دێ بێ گفتوگۆ کرن.
ژ ئالیێ خوە ڤە ئاژانسا نوچەیان یا ئیرانێ راگەھاند کو زەریف د سەردانا خوە بۆ تورکیا دە دێ دگەل بەرپرسێن وی وەلاتی پەیوەندیێن دووئالی یێن ھەردوو وەلاتان و پێشھاتەیێن ناڤچە و یێ جیھانی بەحس بکە.
بریارە رۆژا پێنجشەمێ زەریف سەردانا پاکستانێ ژی بکە و دگەل سەرۆک وەزیرێن وی وەلاتی یێ نوو عومران خان بجڤە .
