توركيا ده‌ست ب سه‌ر 80 مليۆن ليترێن په‌ترۆلا داعش دا گرت
ئه‌ڤرۆ نيوز:
وه‌زيرێ ژ ده‌ڤه‌ر يێ توركيا راگه‌هاند كو وه‌لاتێ وى ده‌ست ب سه‌ر 80 مليۆن ليترێن په‌ترۆلێ دا گريته كو ژ بيرێن په‌ترۆلا ل ژێر ده‌سته‌لاتا داعش ئيناينه ده‌ر كو دبيته ئێك ژ ژێده‌رێن دارايى يێن داعش.
مه‌ولۆد چاوش ئۆغلۆ، وه‌زيرێ ده‌رڤه يێ توركيا رۆژا چارشه‌مبى 17\12\2014 راگه‌هاند كو وه‌لاتێ وێ ده‌ست ب سه‌ر 80 مليۆن ليترێن په‌ترۆلێ دا گرتيه كو ل ئێك ژ بيرێن په‌ترۆلێ يێن ل ژێر ده‌سته‌لاتا داعش ئينايه ده‌ر.
ئۆغلۆيى د سه‌ره‌دانا خوه دا بۆ ته‌هرانا پايته‌ختێ ئيرانێ بۆ رۆژنامه‌ڤانان گۆت: “توركيا رێ ب قه‌چاخبرنا په‌ترۆلا داعش نه‌دايه و ژ ده‌سپێكا ئه‌ڤ ساله توركيا ده‌ستێ ب سه‌ر 80 مليۆن ليترێن په‌ترۆلا داعش دا گرتى كو دڤيا ب قه‌چاخى بازرگانيێ پێ بكه‌ن”.
وه‌زيرێ ده‌رڤه يێ توركيا ره‌تكر كو چو په‌ترۆلا داعش كريبيت وه‌كو هنده‌ك ژ لايه‌نێن سياسى به‌حس لێ دكه‌ن و گۆت: “ئاخفتنێن ژ ڤى جۆرى شه‌رێ ده‌روونى يه دژى توركيا دهێته كرن”.
