حهريرى داخوازا دابهشكرنا وهزيرێن خوه دكهت
ئهڤرۆ نيوز:
سەرۆک وەزیرێ لوبنانێ سەعد حەریری پێشنیازا دابەشکرنا وەزیرێن خوە د حکومەتا نوو یا وی وەلاتی دە پێشکەشی سەرۆک کۆمار میشێل ھەون کر.
حەریری پشتی جڤین تەڤی عەون ل کۆشکا سەرۆکایەتی یا کۆماری یا بەیروتێ، کۆنگرەیەکە رۆژنامەڤانی لدارخست و تێدە راگەھاند کو رەشنڤیسەکە تێکلدار ب چەوانی یا دابەشکرنا وەزیرێن خوە د حکومەتا نوو دە پێشکەشی سەرۆک کۆمار کرییە.
حەریری ئاشکەرا ژی کر کو وێ رەشنڤیسێ د ئەنجاما جڤینێ وی دە تەڤی ئالی یێن سیاسیی ھاتیە ئامادەکرن و پشترە ژی ژبۆ سەرۆک کۆمار ھاتیە شاندن.
حەریری راگەھاند ژی کو ھەتا نھا ناڤەرۆکا وێ رەشنڤیسێ ژبلی سەرۆک کۆمار ژبۆ تو ئالی نەھاتیە شاندن.
حەریری بالکشاند سەر وێ یەکێ ژی کو ھەتا نھا وان کەسێن کو بریارە حکومەتا نوو پێکبینن نەھاتینە دەستنیشان کرن و جڤین ژبۆ پێکئانینا حکومەتێ بەردەوامن.
