داعش خەندەکان ل کۆبانێ ب خەلکێ مووسل دکولیت
ئەڤرۆ نیوز، بارزان سلێمان مزووری:
بەرپرسێ لقا 14 یا پارتی دیموکراتی کوردستان ل مووسل، عسمەت رەجەب ، بۆ ئەڤرۆ نیوز دیار کر کو چەکدارێن تیرورستێن داعش سزا دانا سەر وان کەسێن ب بەرزەڤە جگارا دکێشن سزا ژی ئەوە کو بۆ باژێرێ کوبانێ ھاتنە ڤەگوھاستن بۆ ماوێ چار روژا ب دەستان خەندەکێ بکولن.
ناڤبری دیار کر کو ل ناڤ باژێرێ مووسل دەست ب برینا ھێلا ئەنترنێتێ کر د گەل راوەستاندنا پێنج ھێلێن کومپانیێن ئەنترنێتێ کومپانیا میحراب نێت و ماسمکس و مناکس و سیماسات و دیجلە و باج دانا سەر وان کەسێن خودانێن کومپانیا و کافیا ھەیڤانە 500 دولاران بدەنە داعش.
ناڤبری دیار کر کو ژ لایەکێ دی ڤە چەکدارێن تیرورستێن داعش ب نھێنی ڤە ئامیرێن ھەموو سەتەلایتا و مۆبایلێن وەلاتیان یێن ناڤ باژێرێن مووسل دسوژن و ھەر کەسێ بکاردئینیت ب ملیۆن دینارا دھێتە سزادان و ھەر کەسێ ژ رێنما و قانوونێن داعش دەرکەڤیت مالا وی ب کەل و پەل ڤە دسوژن.