مەسرور بارزانی: چو جاران ده‌ست ژ سه‌ربخوه‌يێ ومافێ چاره‌نڤيس به‌رناده‌ين
ئه‌ڤرۆنيوز:
دچارچۆڤێ ئاهه‌نگا هه‌وا هه‌لبژارتنان يا پارتى ديموكراتى كوردستان ل باژێرێ ئاكرێ، مه‌سرور بارزانى، ئه‌ندامێ مه‌كته‌با سياسى يا پارتى په‌يڤه‌ك پێشكێشكر.
مه‌سرور بارزانى شيره‌تكارێ جڤاتا ئاسايشا هه‌رێما كوردستانێ وئه‌ندامێ مه‌كته‌با سياسى يا پارتى ديموكراتى كوردستان دپه‌يڤا خوه دا گۆت” ئه‌ڤ هه‌لبژارتنه بۆمه يا گرنگه، چونكى ئه‌نجامێ وێ هه‌لبژارتنێ هه‌ڤالێن هه‌لبژارتى يێن هه‌وه دێ چنه په‌رله‌مانى، ئه‌و بريارێن ل په‌رله‌مانى دهێنه ده‌ركرن، دێ كاريگه‌رى ل سه‌ر چاره‌نڤيسێ كوردستانێ وژيانا هه‌وه هه‌بيت، ئه‌و هه‌لبژارتنه وبه‌ربژاره يێن هه‌وه‌نه وپێدڤيه ل په‌رله‌مانى هنده‌ك برياران بده‌ن كو راسته‌وخوه كاريگه‌رى ل سه‌ر ژانا هه‌وه هه‌بيت”.
مه‌سرور بارزانى گۆت ژى” هێشتا رێيه‌كا درێژ بۆ دياركرنا چاره‌نڤيسێ كوردستانێ يا ل به‌رمه، له‌وما پێدڤيه رێبازا پارتى وبارزانى سه‌ركێشا وێ دۆزێ بيت، هه‌رچه‌نده چو ساله‌كێ پارتى موساوه‌مه ل سه‌ر مافێ خه‌لكێ كوردستانێ نه‌كريه ول قۆناغا داهاتى ژى دا موساوه‌مێ ل سه‌ر مافێ هه‌وه وخه‌لكێ كوردستانێ ناكه‌ت وب ده‌نگێ هه‌وه دێ پێنگاڤێ بۆ سه‌ركه‌فتنه‌كا دى هاڤێژيت”.
