شاره‌زايێن ئه‌مريكى:سياسه‌تا واشنتۆن به‌رامبه‌ر كه‌ركووكێ شاشيه‌كا مه‌زن بوو
ئه‌ڤرۆنيوز:
شاره‌زايێن ئه‌مريكى ل دۆر ره‌وشا كه‌ركووكێ ره‌خنێ ل هه‌لويستێ ئيدارا ئه‌مريكى دگرن ل هه‌مبه‌ر سياسه‌تا وان يا شاش پشتى روودانێن داگيركرنا كه‌ركووكێ وده‌ڤه‌رێن دى يێن كوردستانى يێن ده‌رڤه‌ى ئيدارا هه‌رێما كوردستانێ ژلايێ له‌شكرێ عيراقێ وحه‌شدا شه‌عبى ڤه.
كێن پۆله‌ك، شاره‌زا دسياسه‌تا ده‌رڤه يا ئه‌مريكا دا، داخوازا لێبۆرينێ ژ خه‌لكێ هه‌رێما كوردستانێ كر وهه‌لويستێ وى ده‌مى يێ ئه‌مريكا ژى ب شاشيه‌كا مه‌زن هژمارت.
پۆله‌ك، ل دووڤ كوردستان 24 دبێژيت” مخابن كه‌ركووك پشتى ئوكتۆبه‌را 2017 كه‌فته دره‌وشه‌كا خراب دا، ئه‌نجامدا ڤالاهى دروستبوو بۆ زڤرينا داعشێ، ب ديتنا من پێدڤيه پێشمه‌رگه وله‌شكرێ عيراقێ پێكڤه وب هه‌ماهه‌نگيا له‌شكرێ ئه‌مريكى، سه‌رپه‌رشتيا پاراستنا كه‌ركووكێ بكه‌ن”.
هه‌روه‌سا گۆت” شێوازێ ره‌فتاركرنا ئه‌مريكا ل ده‌مێ رودانێن كه‌ركووكێ شاشيه‌كا مه‌زن بوو، ئه‌ز وه‌كو ئه‌مريكيه‌ك هيڤيدارم خه‌لكێ كوردستانێ بزاڤا دووباره ب هێزكرنا په‌يوه‌نديێن مه بده‌ن وبزاڤێ بكه‌ن جاره‌كادى باوه‌رێ ب ئه‌مريكا بكه‌ن، هه‌رچه‌نده هه‌كه ئه‌ز كورد بم، دێ زانم ئه‌ڤه كاره‌كێ ب ساناهى نينه”.
ديڤيد پۆلاك،شاره‌زا دكاروبارێ رۆژهه‌لاتا ناڤه‌راست دا دبێژيت” گرنگترين تشت ئه‌وه لايه‌نێن سياسى يێن كوردستانێ ململانێ يا ناڤخوه‌يى ب راوه‌ستينن ودووپاتيێ ل سه‌ر ئێكرێزيا نه‌ته‌وى وبه‌رژه‌وه‌نديا خه‌لكى بكه‌ن، دزانم ئه‌ڤه كاره‌كێ ب ساناهى نينه، به‌لێ ب ديتنا من كورد فێرى وانه‌يه‌كا گران بوون، ئه‌وژى هه‌كه د ئێكرێز نه‌بن، دێ هێنه دوراندن وهه‌كه دئێكرێز بن دێ دسه‌ركه‌فتى بن”.