داخۆيانيا وه‌زاره‌تا ساخله‌ميێ ل دۆر بهێنڤه‌دانان
ئه‌ڤرۆ نيوز:
وه‌زاره‌تا ساخله‌ميا هه‌رێما كوردستانێ د به‌ياننامه‌كێ دا راگه‌هاند كو رۆژا شه‌مبى ل هه‌موو بنگه‌هـ و نه‌خۆشخانه و كلينيكان ده‌واما فه‌رمى يه.
د راگه‌هاندنه‌كێ دا، وه‌زاره‌تا ساخله‌ميێ ل حوكمه‌تا هه‌رێما كوردستانێ كو دانه‌ك بۆ ئه‌ڤرۆ نيوز هنارتيه، تێدا هاتيه: “ده‌رباره‌يى بهێنڤه‌دانێن رۆژێن 25 هه‌تا 27 ى ڤێ هه‌يڤێ پرسيارێن زۆر بۆ مه هاتينه، ده‌رباره‌يى بهێنڤه‌دانا رۆژا شه‌مبى”.
هاتيه ژى: “ل ڤێره رادگه‌هينين رۆژا شه‌مبى ده‌واما فه‌رمى يه ل هه‌موو نه‌خۆشخانه و بنگه‌هێن ساخله‌ميێ و كلينيكێن راوێژكارى و كلينيكێن مللى، ژبلى رێڤه‌به‌رێن گشتى و رێڤه‌به‌ريان كو ل وێرێ رۆژين شه‌مبى ل هه‌موو حه‌فتيان ده‌وام نه‌بوويه و نابيت”.
