سه‌رۆكێ په‌رله‌مانێ ئيرانێ دێ سه‌ره‌دانا هه‌رێمێ كه‌ت
ئه‌ڤرۆ نيوز:
بڕياره ئه‌ڤرۆ سه‌رۆكێ په‌رله‌مانێ ئيرانێ ب رێيا فرۆكخانا سلێمانيێ سه‌ره‌دانا وى باژێرى بكه‌ت پاشان ژى سه‌ره‌دانا هه‌ولێر بكه‌ت و ل گه‌ل سه‌ركردێن سياسى و به‌رپرسێن حكوومى كۆم ببيت.
ب گۆره‌يى هنده‌ك زانياريان كو ده‌زگه‌هێن راگه‌هاندنێ به‌لاڤكرينه، بڕياره ئه‌ڤرۆ 28\12\2014 سه‌رۆكێ په‌رله‌مانێ ئيرانێ، عه‌لى لاريجانى، ژ به‌غدا ب رێيا فرۆكخانا سلێمانيێ بگه‌هيته وى باژێرى و ل گه‌ل سه‌رۆك كۆمارێ به‌رێ يێ عيراقێ و سكرتێرێ گشتيێ ئێكه‌تى نشتيمانى كوردستان، جه‌لال ته‌له‌بانى، ب روونيت و پاشان ژى سه‌ره‌دانا هه‌ولێر بكه‌ت و ل وێرێ ژى ل گه‌ل سه‌رۆكێ په‌رله‌مانێ كوردستانێ د. يوسف محه‌مه‌د كۆم ببيت.
سه‌ره‌دانا عه‌لى لاريجانى د ده‌مه‌كى دايه كو ناڤبرى، ل ماوێ بۆرى هژماره‌كا سه‌ره‌دانان بۆ ده‌ڤه‌رێن دى يێن عيراقێ كرينه و ل گه‌ل سه‌ركردێن سياسى و حكوومى يێن وى وه‌لاتى و مه‌رجه‌عێ مه‌زنێ شيعان ل عيراقێ كۆمبوويه، به‌لێ هه‌تا نوكه ديار ژى نه‌بوويه كا لاريجانى دێ ل گه‌ل مه‌سعود بارزانى، سه‌رۆكێ هه‌رێما كوردستانێ، يان ژى نێچيرڤان بارزانى، سه‌رۆكێ حوكمه‌تا هه‌رێما كوردستانێ، كۆم بيت يان نه.
