ل توركیا 167 قوتابیێن كورد دهێنه گرتن
ئه‌ڤرۆ نیوز:
د سالڤه‌گه‌را تاوانا كومه‌لكوژیا روبوسكى ل ده‌ڤه‌را شرنه‌خ، ژماره‌كا زور ژ قوتابیێن زانكۆیێن غازى ل ئه‌نقه‌ره، چوكور ئاوا ل ئه‌ده‌نه، سوتچى ئمام ل قه‌هره‌مان ماراش، بین گول ل باشوورێ توركیا، خونیشادان كرن و ژ ئه‌گه‌رێ وێ چه‌ندێ پۆلیسان 167 قوتابیێن كورد گرتن.
ئاژانسا ده‌نگوباسا میلله‌ت یا توركى به‌لاڤكر كو پۆلیسێن توركى رێگرى ل چالاكیێن قوتابیان كر و سه‌ره‌راى برینداربوونا ژماره‌كا خونیشانده‌ران، پۆلیسان زێده‌تر ژ 167 قوتابى گرتن كو د ناڤ ڤێ ژمارێ دا قوتابیێن كچ هه‌نه.
د كومه‌لكوژیا روبوسكى ل پارێزگه‌ها شرنه‌خا باكوورێ كوردستانێ كو ل سالا 2011 هاتیه روودان، ژماره‌كا زور یا وه‌لاتیان ب فروكێن شه‌ركه‌ر یێن توركیا گیانێ خوه ژ ده‌ست دان، كو به‌هانا توركیا ژ ڤێ بوردومانكرنێ ئه‌وبوویه كو ئه‌و كه‌سانه ئه‌ندامێن په‌كه‌كێ بوونه، به‌لێ پاشى ده‌ركه‌فت كو چو په‌یوه‌ندى ب حزبا په‌كه‌كێ ڤه نینه و 38 كه‌سێن بێ گونه‌ه د روودانێ دا گیانێ خوه ژ ده‌ست دان.
