مامۆستا دێ ڤی كۆژمێ پاره‌ی وه‌رگرن
ئه‌ڤرۆ نیوز:
پارێ چاڤدێریا ئه‌زموونێن سالا بۆری یێ چاڤدێر و سه‌رپه‌رشتیار و فه‌رمانبه‌رێن كۆنترۆلی ل سه‌رانسه‌ری هه‌رێمێ دێ هێته به‌لاڤكرن.
ل دووڤ نڤیسارا ژماره 6272 یا سه‌رۆكاتیا دیوانا جڤاتا وه‌زیرێن هه‌رێما كوردستانێ ئه‌وا ل رێكه‌فتی 27/11/2018 ب ئیمزا سه‌رۆكێ دیوانێ نێچیرڤان ئه‌حمه‌د عه‌بدوللا ده‌ركه‌فتی و دانه‌ك ب ده‌ست ئه‌ڤرۆ نیوز كه‌فتی، رازیبوون ل سه‌ر مه‌زاختنا كۆژمێ 6 ملیار و 378 ملیۆن و 893 هزار دیناران هاتیه كرن وه‌ك شایستێن دارایی یێن وان مامۆستا و فه‌رمانبه‌رێن پشكداریی د پرۆسا ئه‌زموونێن سالا خواندنێ 2017-2018 دا هه‌ردو خولێن ئێكێ و دویێ دا كری، وه‌كو چاڤدێر و سه‌رپه‌رشتیار و فه‌رمانبه‌رێن كۆنترۆلی ل سه‌رانسه‌ری هه‌رێمێ پشكداری د ڤێ پرۆسێ دا كری.
