ژنەك مەزنترین ئالایێ کوردستانێ به‌رهه‌ڤ دكه‌ت
ئەڤرۆ نیۆز، رەمەزان ھەرنی:
ژنه‌كا كه‌ركووكى رابوويه ب دروستكرنا مه‌زنترين ئالايێ كوردستانێ و ئاشكه‌را كر كو پێشتر پشكه‌ك ژ ڤى ئالايى ل كه‌ركووكێ پشتى روودانێن 16ى ئوكتوبه‌رێ هاته سۆتن.
ئاوارە کوردێ بۆ ئەڤرۆ نیۆز گوت: “دەمەکێ درێژە کار ل سەر مەزنترین ئالایێ کوردستانێ دکەم بێی کو چو کەسەک ھاریکاریا من بکەت و پشتەڤانیا من بکەت کو ب مەزنترین ئالایێ کوردستانێ دھێتە زانین”.
ئاوارەیێ گوتژی: “ب موچەیێ خوە یێ ھەیڤانە پارچە قوماشا دکرم ل مال ب دەست لێک ددەم، ھندەک پارچێن ئالایی ل مالا من ماینە ل کەرکووکێ و پشتی خانوویێ من ل کەرکووکێ ھاتیە وێرانکرن، ئەو ئالا ژی ھاتیە سۆتن کو گەلەک کاریگەری ل سەر من دروست کر و گەلەک خەمباربووم”.
زێدەتر گۆت: “500 مەتر ل دەف من ماینە، ل دەمێ داھاتی ژی دێ بەردەوام کار ل سەر کەم و مەزنترین ئالایێ کوردستانێ دروست کەم و نیشا ھەموو جیھانێ دەم کو ئەم کورد ژی خودان ئالایێ خوەینە ب خوینا ھزارەھا شەھیدێن قەھرەمان ھاتیە نەخشاندن” .
