پرۆژەیەک بۆ نەھێلانا بێکاریێ د رۆژەڤێ دایە

ئەڤرۆ نیوز، مەحمود نھێلی:

قایمقامێ قەزا ئامێدیێ بۆ ئەڤرۆ نیوز دیار کر ئەو ل گەل رێکخراوەکا بیانی د بزاڤان دانە بۆ دیارکرنا رێژا بێکاریێ ل دەڤەرێ و کێمکرنا ڤێ رێژەیێ و بۆ ڤێ یەکێ ژی پرۆژەیەک ل بەر دەستە.

ئیسماعیل موستەفا قایمقامێ قەزا ئامێدیێ دیار کر کو ئەو ب ئامادەبوونا کارگێریێن سنورێ دەڤەرا وان و ل گەل رێکخرازا (G I Z) یا ئەلمانی و شاندەکێ وەزارەتا کاروکاروبارێن کومەلایەتی کۆمبوونە و ئەڤ پرسە ئێخستیە بەر دانوستاندنا و گۆت: (رێکخراوا G I Z  ھەروەسا شاندێ وەزارتا کاروبارێن کومەلاتی بۆ وان دیار کریە کو وان پرۆژەیەک ھەیە بۆ نەھێلا بێکاریێ و کێمکرنا رێژا وێ ل دەڤەرێ).

ناڤبری دیار کر کو دڤان نێزیکان دا دێ فورم ب سەر خەلکێ بێکار یێ دەڤەرێ دا ھێنە دابەشکرن و ب رێیا ڤان فورمان دێ رێژا بێکاریێ ھێتە دەستنیشانکرن و پاشان ب رێیا ڤێ رێکخراوا ناڤھاتی دێ دەلیڤێن کاری بۆ وان ھاولاتیێن بێکار ھێتە دیتن.

کۆمێنتا تە