سه‌رۆكێ ئێكه‌تيا مامۆستايان: پاشكه‌فتا مووچێ مامۆستايان نامينيت
ئه‌ڤرۆ نیۆز،عه‌زیز هه‌ورامی
سه‌رۆكێ ئێكه‌تيا مامۆستايێن كوردستانێ راگه‌هاند، هه‌موو ئاماژه بۆ وێ چه‌ندێ دچن كو ل سالا نوو 2019 ێ پاشكه‌فتا مووچێ فه‌رمانبه‌ران ب گشتى وب تايبه‌تى يێ مامۆستايان نه‌مينيت.
ئه‌حمه‌د گه‌رميانى، سه‌رۆكێ ئێكه‌تيا مامۆستايێن كوردستانێ بۆ ئه‌ڤرۆنيوز گۆت” باشبوونا ره‌وشا ئابوورى يا كوردستانێ وگاڤێن حوكمه‌تا هه‌رێمێ ئاماژێ بۆ وێ چه‌ندێ دكه‌ن كو ل سالا داهاتى 2019ێ پاشكه‌فتا مووچه‌ى نامينيت، داخوازێ ژى دكه‌ين حوكمه‌تا هه‌رێمێ ب له‌ز گاڤا لادانا پاشكه‌فتا مووچه‌ى ب هاڤێژيت”.
گۆت ژى” بزاڤێن حوكمه‌تا هه‌رێما كوردستانێ ل سالا 2018 بۆ لادانا پشكه‌كا مه‌زن ژ پاشكه‌فتا مووچێ فه‌رمانبه‌ران كاريگه‌ريه‌كا گه‌له‌ك باش هه‌بوو ل سه‌ر ره‌وشا ئابوورى يا مامۆستايان وپرۆسا خواندنێ، له‌وما نوكه ئه‌م چاڤه‌رێ دكه‌ين حوكمه‌تا هه‌رێما ب تمامى پاشكه‌فتا مووچه‌ى ل سه‌ر مووچێ مامۆستايان نه‌هێليت، هه‌روه‌سا چاڤه‌رێ دكه‌ين ل سالا 2019 پاشكه‌فتا مووچه‌ى ب ئێكجارى نه‌مينيت”.
سه‌رۆكێ ئێكه‌تيا مامۆستايێن كوردستانێ دياركر”داخوازا مه ژ كابينا نوو يا حوكمه‌تا هه‌رێما كوردستانێ ئه‌وه بودجه‌كا باش بۆ كه‌رتێ په‌روه‌ردێ وخواندنا بلند دابين بكه‌ت وهه‌موو مامۆستايێن گرێبه‌ست ژى ب دامه‌زرينيت”.
