نێچیرڤان بارزانی دێ ناڤبژیڤانیێ دناڤبەرا تورکیا و کوردێن روژئاڤا دا کەت
ئەڤرو نیوز , ئێقبال عومەر:
دکتور حەسەن ئەحمەد شارەزایێ سیاسەتا نیڤدەولەتی بو ئەڤرۆ نیوز دا دیار کرن, ئەمریکا پاشڤەکێشانەکا ئێکجارێ ژ سووریێ ناکەت, بەلێ هەکە ئەمریکا وەسا نەبەرپرسیارانە ژ سووریێ دەرکەڤیت زەرەرمەندێ دویێ پشتی روژئاڤا دێ ھەرێما کوردستانێ بیت و گوت: چونکو تورکیا دخوازیت بۆ دەمەکێ درێژ ل سووریا بمینیت و هەکە نەمینیت ژی دێ ب کومەکا مەرجان دەرکەڤیت, ئێک ژ وان مەرجان ئەوە کو گوھورینا ئاراستەیا دەرگەھێ خابور(ئیبراھیم خەلیل) بو (ئاڤاکوی) ژ بەر کو پێنگاڤا دویێ لێدانە ل کیانێ سیاسی یێ ھەرێما کوردستانێ و دێ مەرجان ل سەر عیراقێ ژی دا سەپینیت, کارتا ئاڤێ دێ رۆلێ خوە ھەبیت و دێ وەختەکی زوی تورک و کورد کەڤنە ململانێ یا کێشا ئاڤێ ھەرەشە دێ دەست پێکەن.
دکتور حەسەن دبێژیت: هەکە لەشکرێ تورکیا کوردستانا روژئاڤا داگیر کر و دگەل ئوپوزسیونێ سنورا بگریت تورکیا دێ ئێکسەر دەرگەھێ ئیبراھیم خەلیل گریت و دێ دەرگەھەکێ نوی ل ئاڤاکوی د پێشخابور را بۆ تەلەعفەر ڤەکەت ب ھەر نرخەکێ بیت، ژ بەر کو کاریگەریا ستراتیجی کاریگەریا سیاسی و کاریگەریا ئابووری کاریگەریا مروڤی دێ ل سەر ھەرێما کوردستانێ ھەبیت.
گوت ژی: دەمێ ھندێ یە کو بەرێز نێچیرڤان بارزانی چارەیەکێ ژ بۆ ڤێ کێشێ ببینیت و ئاشتیێ دناڤبەرا ھەمی لایەنان دا پەیدا بکەت ب تایبەتی تورکیا و کوردێن روژئاڤا دا کو کارەسات ب دوماھیک بھێن.