پلان بۆ هێرشكرنا سه‌ر تره‌مپی ل عیراقێ هاتبوو دانان
ئه‌ڤرۆ نیوز:
سه‌ركرده‌كێ نێزیك موقته‌دا سه‌رد رێبه‌رێ ته‌ڤگه‌را سه‌در دبێژیت:” سه‌درییان پلان دارێتبوو ده‌مێ دۆنالد تره‌مپ سه‌رۆكێ ئه‌مریكا دهێته بنگه‌هێ عه‌ین ئه‌سه‌د ل پارێزگه‌ها ئه‌نبار بكه‌نه ئارمانج، لێ پاشی فه‌رمان هاته دان كو ڤێ پلانێ راگرن”.
جه‌لیل نوری سه‌ركرده‌كێ نێزیك موقته‌دا سه‌دره د ڤی واری دا نڤیسیه:” من دڤێت نهێنیه‌كێ ئاشكرا بكه‌م كو په‌یوه‌ندی ب مه‌زنترین روودانا عیراقێ ڤه هه‌یه یا كو ل ڤان رۆژان په‌یدا بووی، ئه‌و ژی ئه‌وه كو سه‌ركردێ مه ( سه‌در)ی هاتنا دۆنالد تره‌مپی بۆ مه دیاركربوو به‌ری بهێته ناڤ عیراقێ”.
ئاشكرا ژی دكه‌ت كو به‌رگریكاران ل سه‌ر بنه‌مایێ وان زانیاریان دو جه دیار كربوون كو دبیت تره‌مپ سه‌ره‌دانا وان بكه‌ت، ئه‌و ژی سه‌ربازگه‌ها تاجی ل به‌غدا و بنگه‌هێ سه‌ربازی یێ عه‌ین ئه‌سه‌د ل پارێزگه‌ها ئه‌نبار بوون، گه‌نجان ب ته‌مامی خوه بۆ ڤێ پلانێ ئاماده كربوون، چاڤه‌رێی فه‌رمان و ئاماژه‌یه‌كێ دكرن بۆ وێ یه‌كێ بكه‌نه ئارمانج، به‌لێ پاشی فه‌رمان هاته دان كو جارێ خوه راگرن و بڕیارا خوه‌راگرتنێ دێ بۆ سه‌ركرداتیا بلند هێلین بێی كو گه‌نگه‌شێ ل سه‌ر بكه‌ین”.
