ژڤانێ ھەلبژارتنێن جڤاتێن پارێزگەھێن عیراقێ دێ ھێتە دیارکرن
ئەڤرۆ نیوز، قائید میرۆ:
بڕیارە پرسا ھەلبژارتنێن جڤاتێن پارێزگە و قەزایێن عیراقێ بھێتە ئێکلاکرن و پەرلەمانتارەک ژی دبێژیت، پێشبینی دھێتەکرن ھەتا دەمێ سالەکێ ئەڤ ھەلبژارتنە بھێنە پاشخستن.
شێروان دوبەردانی، ئەندامیً لیژنا ھەرێم و پاێزگەھان ل پەرلەمانێ عیراقێ بۆ ئەڤرۆ نیوز دیار کر کو ل رۆژا ٢٣ی ئەڤێ ھەیڤێ دەمێ قانوونیێ جڤاتێن پارێزگە و قەزایێن عیراقێ ب دووماھی ھاتیە و نوکە د ڤالاھیا قانوونی دا کار دکەن، لەوڕا بڕیارە لیژنەیێن ھەرێم و پارێزگەھان و قانوونی دگەل کۆمسیۆنا بلندا ھەلبژارتنێن عیراقێ ئەڤێ پرسێ ئێکلا بکەن و بڕیارە کۆمبوونەک دناڤبەرا وان دا بھێتە ئەنجامدان.
شێروان دوبەردانی خویا کر کو وان دڤێت بگەھنە رێکەفتنێ بۆ دیارکرنا ژڤانێ ب رێڤەچوونا ھەلبژارتنێن جڤاتێن پارێزگە و قەزایێن عیراقێ، چونکی دڤێت کۆمسیۆن ژڤانەکی دیاربکەت و داکو بزانن ئەو دێ کەنگی بەرھەڤبن بۆ ڤێ مەرەمێ و دشیان دایە ئەڤێ پڕۆسێ برێڤەببەن، لەوڕا ئەو بخوە پێشبینیێ دکەت ھەتا سالەکا دی ژی ئەڤ ھەلبژارتنە نەھێنە برێڤەبرن و بھێنە پاشخستن.
ل دۆر پارێزگەھێن ھەرێما کوردستانێ ژی شێروانی گۆت” ب چو شێوەیەکی جڤاتێن پارێزگەھێن ھەرێما کوردستانێ ڤەناگریت و جڤاتێن ناحیان ژی بەری نوکە بڕیار ل سەر ھاتیەدان نەمینن”.
