داخۆیانیێن ترامپی هۆشداریێن جدی نە بۆ کوردان
ئەڤرۆ نیوز، هۆشەنگ تاجر:
رزا موختاری چاڤدێرێ سیاسی ل رۆژهەلاتێ کوردستانێ بۆ ئەڤرۆ نیوز دیار کر کو ترامپی د ئاخڤتنا خوە دا هۆشداری دا کوردان کو دڤێت هوون خوە ژ ئیرانێ دوور بکەن، ئەو یەک د دەمەکێ دایە کو دو رۆژ بەری نها جەمیل بایک ئێک ژ سەرکردێن پەکەکێ دیار کر ئەم ناهێلین کورد د بەرەیێ ل دژی ئیرانێ دا جه بگرن.
ناڤهاتی راگەهاند ئەمریکا دخوازیت ل گەل کوردان کار بکەت و وان بپارێزیت لێ مخابن کورد د ناڤا خوە دا ئێکگرتی نینن و دو هێزێن مەزن یێن کوردستانێ ب ئاشکرا هەڤالبەندیا ئیرانێ دکەن و ئەو یەک ژی بۆ پاشەرۆژا کوردان مەترسیەکا مەزنە و دڤێت کورد هۆشداریێن ترامپی ب جدی وەربگرن.
