كار ل سه‌ر یه‌كسانكرنا مووچێ كه‌سوكارێن ئه‌نفالكریان دهێته كرن
زاخۆ، عه‌لى حاجى:
ئه‌نداما په‌رله‌مانێ عێراقێ هه‌دار بارزانى ل دور موچێ كه‌س و كارێن ئه‌نفالكریان بۆ ئه‌ڤرۆ نیوز گوت : سه‌ره‌راى ئه‌ڤه ماوه‌یه‌كێ كێمه ده‌ست ب كار بووین ئه‌ز وه‌كو ئه‌نداما لژنا ئه‌نفالكریان و زیندانیێن سیاسى ل په‌رله‌مانێ عێراقێ من دوو پروژه پیشكێش كرینه بو یه‌كسان كرنا موچێ كه‌س و كارێن ئه‌نفالكریان و زیندانیێن سیاسى دگه‌ل شه‌هیدێن دژى رژێما ژناڤچووى یا عێراقێ ، كه‌س و كارێن ئه‌نفالكریان 450 هزار دیناران هه‌تا 500 هزار دیناران وه‌ردگرن و شه‌هیدێن دژى رژێما ژناڤچووى ملیونه‌ك و 200 هزار دیناران وه‌ردگرن جیاوازیه‌ك زور هه‌یه له‌وما من پروژه‌یه‌ك پێشكێشى حكومه‌تا كوردستانێ كریه رازى بونا خوه ل دور پروژێ من ده‌ربرى یه و من پروژه‌یه‌ك دى پێشكێشى حكومه‌تا عێراقێ كرى یه ل دور هه‌ما بابه‌ت و حكومه‌تا عێراقێ ژى رازى بویه ، ل نوكه دا لژنه‌یه‌ك هاتیه پێكئینان ئه‌ز ژى ئه‌ندامم ل وێ لژنێ دا .
ناڤبرى زێده‌تر گوت : خوه‌ش به‌ختانه وێ لژنێ ئێك كومبونا خوه ئه‌نجام دایه و مه گه‌له‌ك هه‌ولداینه ئه‌ڤ پروژه‌یه ناڤ بودجێ سالا 2019 دا بهێته په‌سه‌ندكرن و سوز ژى ب مه داینه به‌لێ نه‌شێم سوزێ بده‌م ل سالا 2019 دا دێ موچه هندى ئێك لێ هێن چونكى هنده‌ك یاسا پێدڤن و هه‌ر دیسان هنده‌ك یاسا پێدڤى ب پێداچوونێ نه له‌ورا ئه‌ڤ پروژه‌یه پێدڤى ب ده‌مى یه تا كو بهێته په‌سه‌ند كرن .
