ریال ژ ھەڤرکیێ دوورنەکەفتیە
ئەڤرۆ نیوز:
راھێنەرێ یانا بەرشەلونە یا ئسپانی ب دوور دانا کو ھەڤرکا وان یا سەرەکی و کلاسیکی یانا ریال مەدرید ژ بازنێ ھەڤرکیا ناسناڤی دوورکەفت بیت سەرەرای خوسارەتیا وان ل ھەمبەر یانا ریال سوسیداد ب دو گولان بێ بەرامبەر ل دەستپێکا ڤێ حەفتیێ.
ئارنستو فالڤێردی دداخویانیەکێ دا پشتی سەرکەفتنا بەرشەلونە ل سەر خیتاڤی دیارکر کو وان ئەنجامێن یانێن ئەتلەتیکو، سیڤیلیا و ریال مەدرید زانین و ل سەر وان پێدڤی بوو مفای ژ ڤێ دەلیڤێ بینن و ئەو چونە دناڤا یاریگەھێ دا و باش دزانی دێ یاریەکا ب زەحمەت بیت ل ھەمبەر خیتاڤی لەورا فشارەکا زێدە ل ھەردو نیڤان ئێخستە سەر ھەڤرکا خوە و خوە راگرت.
زێدەتر ناڤھاتی ئاماژەکر ئەو نەشێت بێژیت ریال مەدرید ژ ھەڤرکیا ناسناڤی یان ھەر یانەکا دی دوورکەفت ژبەرکو ھێشتا گەلەک یاری یێن مای و خولا ئسپانیا یا بەردەوامە چونکو ل وەرزێ بوری ژی و سەرەرای ھەبونا جوداھیێ لێ ھەتا دووماھیا خولێ ھەڤرکی یا بەردەوا بوو.
