چاڤدێرێن سیاسی رەخنێ ل شێوەیێ هەڤپەیمانیا هەدەپێ دگرن
ئەڤرۆ نیوز، هۆشەنگ تاجر:
ئیبراهیم گوچلو چاڤدێرێ سیاسی ل باکورێ کوردستانێ راگەهاند کو هەدەپە بزاڤێ دکەت ب هەڤپەیمانیا ل گەل وان حەفت پارتێن کوردی وەسا نیشا بدەت کو بەرەیەکا کوردی ئاڤا کریە و سەرکێشیا وێ دکەت، لێ د راستی دا وەسا نینە و ترسا هەدەپێ ژ هندێ یە کو پارتێن دی ببنە بەدیلێ وێ و ژ بەر هندێ ژی هەڤپەیمانیەکا وەسا ئاڤا کرینە و ئەز باوەر ناکەم کو خزمەتا دۆز رەوا یا گەلێ مە ل باکور بکەن.
ل ئالیێ دی چار پارتێن باکورێ کوردستانێ کو د ناڤ هەڤپەیمانیا هەدەپێ دا نینن دیار دکەن کو ئەڤ هەڤپەیمانیە ل سەر بنەمایێ بەرژەوەندیێن نەتەوی نەهاتیە ئاڤاکرن و شێوەیێ ئاڤاکرنا هەڤپەیمانیا هەدەپێ ل گەل حەفت پارتێن دی رەخنە دکەن.
