چار تومەتبار ھاتنە دەستەسەر کرن
ئەڤرۆ نیوز، رەزوان رۆژبەیانی:
ھێمن سلێمان پەیڤدارێ پۆلیسێن پارێزگەھا دھۆکێ بۆ ئەڤرۆ نیوز دیار کر ل رۆژا ٥/١/٢٠١٩ ھەتا نوکە پۆلیسێن نەھێلانا گونەھباریا ل قەزا بەردەڕەش ب ھاریکاریا پۆلیسێن دھۆکێ شیانە چار کەسان دەستەسەر بکەن ل سەر دزی و سەختەکرنا دراڤی.
گوت ژی کو دو ژ وان تۆمەتباران د مەترسیدارن، ئێک ئاکنجیێ قەزا زاخویە و ئێک ژی یێ وەلاتێ سووریایە کو رابووینە ب سەختەکرنا کوژمەکێ پارەی یێن عیراقی و دولارێین ئەمریکی و بەلاڤکرنا وان د ناڤ بازارێ قەزا بەردەرەش، بەلێ خۆشبەختانە ژلایێ پۆلیسانڤە هەر زوو ھاتنە دەستەسەرکرن.
ھێمن سلێمان گۆت ژی تۆمەتبارەکێ دی کو ئاکنجیێ قەزا بەردەرەشە و چاڤدێریا بازرگانەکێ زێرێ کریە و شیایە دو کێلۆیێن زێری ژێ بدزیت ھەر چەندە ئەو تۆمەتبارە چەک ژی ڤێ بوویە بەلێ ھەر زوو ژ لایێ پۆلێسێن نەھێلانا گونەھباریان ھاتە دەستەسەر کرن و گۆت: ( ژنەکێ ٩٠ غرام زێر ژ بۆ بیکا خوە کڕیبوو دا ل ڤان نزیکا داوەتا کورێ خوە بکەتن، ئەو زێر ژی د ناڤ چەنتێ خوە دا ھەلگرتبوون ژلایێ ژنەکا دی ڤە ھاتبوو دزین، بەلێ خۆشبەختانە ئەو تاوانبار ژی ھاتە دەستەسەرکرن و کەسێن کو ھاتینە دەستەسەرکرن دانپێدان ب تاوانا خوە کرینە و ھاتینە رەوانەکرن بۆ دادگەھێ).
