ھەکە بودجەیەک بەردەست ھەبایە دا مەزنترین ڤیستەڤالا بەفرێ کەن
ئەڤرۆ نیوز، مەحمود نھێلی:
بەرپرسێ نڤیسینگەھا پیشەیا یا گەشت و گوزاری ل سیلاڤێ بۆ ئەڤرۆ نیوز دیارکر، دەڤەرا وان ل ھەر چوار وەرزێن سالێ یا گونجایە بۆ گەشت و گوزارێ ژ بەر بارینا رێژەیەکا زۆرا بەفرێ ئەو دا شێن مەزنترین ڤیستەڤال ل دەڤەرێ سازبکەن.
زێدەتر حەمید محەمەد سالح بەرپرسێ گۆت: ژ بەر بارینا بەفرەکا زۆر ل دەڤەرێ ئەو دێ شیێن ڤیستەڤالەکا سالانە یا بەفرێ ل دەڤەرێ ساز بکەن لێ ئەوان ب تنێ بۆ ئێک سال پێدڤی ب مەزاختنێ ھەیە و بۆ کێشانا گروپێن گەشتیاری ل باشور و ناڤەراستا عیراقێ بۆ دەڤەرێ و ئەڤ مەزاختنە ژی بۆ دابینکرنا خارن و ڤەخوارنێ و ھەروەسا جھێ نڤستنێ یە.
و ئاشکرا کر، ئەو پێدڤی ب مەزاختنا نینن و دێ داھاتەکی ژی ژ لایێ گەشت و گوزاریڤە بو خەلکێ دەڤەرێ و بۆ حکومەتێ ژی ڤەگەریت.
ھەروەسا ناڤھاتی دیار ژی کر کو د سالێن دووڤدا ئەڤ گروپە ب خوە دێ قەستا ڤێ ڤیستەڤالێ کەن و دێ ژلایێ گەشت و گەشت و گوزاری ڤە مفایەکی باش ھەبیت.
