٦٣٨ دین ل زاخۆ ھەنە
ئەڤرۆ نیوز ، عەلی حاجی:
ل گورەی ئامارەکێ یا رێڤەبەریا چاڤدێری و گەشەپێدانا جڤاکی ل زاخۆ ٦٣٨ دین ل زاخۆ ھەنە و ھەر دینەکی رێژە و جیاوازی ھەیە.
د داخویانیەکێ دا ئەحمەد محەمەد رێڤەبەریا چاڤدێری و گەشەپێدانا جڤاکی بۆ ئەڤرۆ نیوز گۆت: ل سنورێ رێڤەبەریا مە ٦٣٨ کەسێن دین ل زاخۆ ھەنە لێ ب مخابنی ڤە ھەتا نوکە جڤاکێ مە نەشیایە ب شێوەیەکێ دروست سەرەدەریێ دگەل ڤان جورە کەسان بکەت چونکی گەلەک دین ھەنە رێژەیا دیناتیا وان یا کێمە لێ ژ ئەگەرێ ترانە پێکرنێ و سەرەدەریا خەلەت یا خەلکی وەدکەت رێژەیا وان زێدەتر بیت.
ناڤھاتی ئەو چەندە ژی گۆت: نەبوونا سەنتەرەکێ تایبەت بۆ وان کەسێن دین دبیتە سەدەما پەیدابونا گەلەک ئاریشان ل ناڤ باژێری دا ھەتا ھندەک ژوانا جھەکێ تایبەت نینە لێ بنڤیت نەچار دبیت ل سەر جاددەیان بنڤن.
محەمەد ئەحمەد زێدەتر گۆت: ل سەر دەمێ کابینا ٧ یا حکومەتا ھەرێما کوردستانێ بریار ھاتبوو دان سەنتەرەکێ تایبەت بۆ کەسێن دین بھێتە ڤەکرن لێ جھێ داخێ یە ژ ئەگەرێ قەیرانا دارایی ئەو سەنتەر نەھاتیە ڤەکرن و پێدڤی یە ل پارێزگەھا دھۆکێ ژی وەکی پارێزگەھێن دی سەنتەرەکێ تایبەت بۆ ڤان کەسێن دین ھەبیت.
