كهسێ كورد بهر ب كیڤه؟!
تریفا عهلى
سالهها سالانه ئهم وهك كورد خهباتى دكهین و قوربانیان ددهین ل گهل چهوساندن و بنبركرنا چهندها سالێن كویلاتیى ل بن دهستیێ، رژێمێن دهربازبووى ل ئیراقێ. ل وى وهختى مه دزانى كهسێ بهرامبهرى ڤێ هێزێ دوژمنێ مهیه, لهوما ههر شكهستنهك ههر كوشتهنهك و ههر دهربهدهریهك و ههر خهمهك و ههر شههیدهك مه ب دهستهكهفت دزانى، چونكو ئهو هێزه دوژمن بوو. ئهڤه دهمهكێ زۆره خهلك چاڤهرێ ئهنجامێن دانانا حوكمهتێ نه، لێ شهرهكێ رۆژنامهگهرى و كۆمبوون و دانشتن و چوون و هاتن و دابهشكرن و خهلاتكرن و بێدهنگبوون و بهرزهبوون وان هێزێن سیاسى ل گۆر كهنالێن تلفزیۆنى بهردوامه و دیسا ئهم چاڤهرێنه ئهنجامێن دووماهیێنه.
دیسا ژ لایهكێ دی ڤه وان هێزێن سهركهفتى ل پرۆسا ههلبژاتنا و بهرزكرنا درووشمان و بێدهنگبوونا وان دیسا خهلك حهتا رادهكى كز و بیدهنگ كر. ئهڤ بێدهنگیه جۆره شهرهكێ دهروونى ل ناڤخوهدا ههڤوهلاتى دروست دكهت. ل ڤێرێ دهستههلاتهكى دهمێ دڤێت دهستههلاتهكا دى بنبر بكهت. و كار و خهباتا وى ل سفرێ بدهت. هۆسانه و كى ڤێ قووناغێ یه ل چ قووناغا كوردایهتى هندى ڤان پێنچ سالێن بۆرى شهرێ دهروونى و بلندكرنا تۆمهتان دژى یهك دى نهبوویه، بێ بهلگه بێ تاوان پرۆسا برێڤهبرنا ههرێمهكا بچووك دكهڤیته بن پالپهستۆیهكا توند و د ئهنجام دا مللهت رهخنهگرتن ل ڤێ ئهزموونێ بخوه جۆره گهشهكرنهكه پێداچوونهكا ب خودى وى پرۆسا سیاسى بخوه, بهلكى ستراتیژیهكا بۆ راوهستانێ ل سهر دوژمنێن ڤێ پرۆسێ بۆ رهخنهگرتن ل گیرۆبوونا ئهنجامێن دووماهیێ راوهستانه ل دژى دوبارهنهبوونا دو ئیداریى دو بۆدچه ل سهر دابهشكرنا چهند دهستهكهفتان خهلك چاڤهرێبیت و حهتا كهنگى؟. ئهگهر پێداچوونهكێ ب شۆرهشین كوردى دا بكهین ب درێژاهیا دیرۆكێ ژ شۆرهشا شێخ عهبدولسهلام بارزانى و حهتا دگههیته ئهڤرۆ ئهو دربێن مهزن یێن ب كوردان كهفتین و هێزا وێ یا ناڤخوهیى تێكشكاندین چهندها جاران نهك دوژمن بوو، بهلكو دهستێن كوردان ل پشت پهردان كو پیلان داناینه بۆ تێكچوونا وان شۆرهشان و خستنا دهستى بۆ ناڤ دهستێ خیانهتكاران ئهرێ حهتا چ زهمانهك ئهم بیر ل شكهستنێن خوه نهكهین؟، چهندها جاران هێزێن سیاسى ل ناڤ ههردو حزبێن دهستههلادار رێكهنهكهڤن و بۆچى و ل سهر چى بنیات بۆ چى من ماف نهبیت پرسیار كهم بێژم كا ئهنجامێن دوهی ئهز چوویمه دهنگدانێ من بهرسڤهك دڤێت رهنگه ئهم ل ههرێمێ نرخ و بهایێ ڤێ ئهزموونێ نهزانین هندى عهفرینهكێ بندهستێ یان كوردهكێ رۆژههلاتى ئهوێن خۆزیارێن ئازادیهكێ نه. لهوما لێدانا ڤێ پرۆسێ و گیرۆكرنا دلخۆشكرنا خهلكى ب ئهنجامان و كى شكستهنكا تژى برینه لێدانهكا بۆ روحا مرۆڤى كورد لێدانا لهشى نه، بهلكو لێدانا دل و روح رهنگه گیرۆگرنا پێكئینانا پرۆسا پێكئینانا حوكمهتێ بخوه دلرهقیهكه و گیرۆكرنا خهونا سهدها گهنجانه واته ل شوونا وزهكا ئهكتیڤ ب داته ههڤوهلاتى و زهكا نهرینى ددهت واته سیتهمێ ههیى ل ئاستهكێ سیستهماتیكى و ئیداریى دهێته خانهكا دێ دبیته هێزهك روخینهر ل هزرا بهرامبهره دا، چونكو دهما پرۆسێن ئیداریێ دهێنه تێكوهردان و گیرۆكرن و دكهڤنه بن پرۆپاگندا ههموو شێوهیێن دیمۆكراتیهتێ ژ دهستددهت و دبیت چاڤهرێ مهترسیێن گیرۆكرنا بن، نهك قوربانیدان ب تنێ گیان ژ دهستدان بهلكو باوهرى ژى ژ دهستددهن.
