پەرلەمانتارێن دهۆكێ د هەر شەش خولێن پەرلەمانێ ئیراقێ دا پاقژترین كەس بوون
سندس سالح سلێڤانهیی
پەرلەمانتار (بناس دۆسكی) راگەهاند، هەمانگیەكا باش دناڤبەرا حكومەتا ئیراقێ و حكومەتا هەرێما كوردستانێ دا هەیە بۆ دەستەسەركرنا هەر گەندەلكارەكی ل چو پلە و پۆست بیت و ل رۆژێن بۆری هەوە دیت چەند كەسێن تومەتبار ب گەندەلیێ و ب هەدەربرنا مۆلكێ گشتی یێ دەولەتێ، ب هەڤكاریا دەزگەهێن ئێمناهی یێن هەرێمێ ل هەولیرێ هاتنە گرتن و رادەستی یاسایێ هاتنە كرن و حكومەتا هەرێمێ ژی ب ئاشكەرای راگەهاندیە كو هەرێما كوردستانێ نابیتە جهێ ڤەحەواندنا چو گەندەلكاران و هەر كەسەكێ ناڤێ وی د لیسا داخوازكریان دا هەبیت هەرێم یا ئامادەیە وی رادەستی یاسایێ بكەت.
هەروەسا دەربارەی وێ چەندێ كو دبێژن ناڤێن هندەك پەرلەمانتارێن كورد ژی د وێ لیستێ دا هەیە، پەرلەمانتار (بناس دۆسكی) ئەز دشێم بێژم هەتا نوكە ناڤێن چو پەرلەمانتارێن دهۆكێ، نەیێن بەرێ و نەیێن نوكە دناڤدا نینن و پەرلەمانتارێن دهۆكێ د هەر شەش خۆلێن بەرێ یێن پەرلەمانێ ئیراقێ پاقژترین كەسن و ناڤێ كەسێ ناڤدا نینە، ڕاستە هندەك پەیج و مالپەر بۆ ئەكتتیڤكرنا خۆ ڤان گۆتگۆتكان بەلاڤ دكەن و هندەك ناڤان بەلاڤ دكەن دا خەلكەك بێژیتێ دەستخۆش یان بۆ خۆ بكەتە، (ترێند) لێ وەكو مە گۆتی هەتا نوكە چو تشتێ وەسا نینە و ناڤێ چو پەرلەمنتارێن دهۆكێ دناڤدا نینن، سەرەبارەت هندەك پەیجان بەلاڤكرینە، ناڤێ من ژی د وێ لیستێ دا هەیە، ئەز دبێژمە وان پێدڤی ناكەت ئەز بەرسڤێن هەوە بدەم، لێ هەكە ل جهەكی ئاڤزراندنەك دژی من هاتە كرن، ل وی دەمی ل دووڤ یاسایێ دێ یا پێدڤی كەم.
