هەدەپە و ئاکپارتی دەست ب قۆناغەکا نوو دکەن
ئەڤرۆ نیوز:
چاڤدێرەکێ سیاسی ل باکورێ کوردستانێ بۆ ئەڤرۆ نیوز راگەهاند کو دوهی پەروین بولدان هەڤسەرۆکا هەدەپێ سەرەدانا ناجی بوستانجی هاریکارێ سەرۆک فراکسیۆنا ئاکپارتیێ ل پەرلەمانێ تورکیا کریە کو ئەڤە ژی ئێکەمین سەرەدانە پشتی سێ سالان کو پەیوەندیێن هەدەپێ و ئاکپارتیێ ئالۆز بوون و گۆت: (هەدەپێ دڤێت دەست ب قۆناغەکا نوو ل گەل ئاکپارتیێ بکەت، چونکو ئەو ژی باش دزانن پرسا کوردی ب شەری ناهێتە چارەکرن).
ل ئالیێ دی دەزگەهێن راگەهاندنا تورکیا ژی دیار دکەن کو هەدەپە دڤێت ل چەندین باژێرێن تورکیا بەربژاران بۆ سەرۆکاتیا باژێرڤانیان دەستنیشان نەکەت و ئەو یەک ژی د بەرژەوەندیا ئاکپارتیێ دایە و رەنگە ببیتە دەستپێکا قۆناغەکا نوو د ناڤبەرا هەر دو ئالیان.
