مەلا ئحسان: ھێرشا ل سەر سوپایێ تورکیا ھند لایەنا بۆ خوە ب دەليڤه زانی
ئەڤرۆ نیوز، ئێقبال عومەر:
پەرلەمانتارێ فراکسیونا پارتی دیموکراتی کوردستان بۆ ئەڤرۆ نیوز گۆت: سەرێ چەندین سالانە سنورێ دەڤەرا ئامێدیێ ژبەر ھەبونا پارتا کرێکارێن کوردستانێ پەکەکێ سنورێن دەڤەرێ بوینە جھێن سەربازی و ژین و ژیارا خەلکی ل ئەڤان دەڤەرا کەفتیە بەر ب مەترسیێ ژبەرکو پەکەکە ل چەندین دەڤەرێن جودا جودا یا نیشتەجێ یە.
مەلا ئیحسان رێکانی زێدەتر دیارکر فروکێن لەشکرێ تورکیا بەردەوامیا روژانێن خوەدا بوردومانا دەڤەرا ئامێدیێ دکەن و زوربەیا جاران خەلکێ کوردستانێ و دەڤەرا ئامێدیێ بوویە قوربانا ئەوان بوردومانان و وەک دیار د چەند روژێن بوری دا شەش وەلاتی شەھید بوینە.
مەلا ئێحسان گوت ژی: دەڤەرێن نێروە رێکان و دوسکی ژوریان نھێلی و بەرێ گارەی و زێباریان ئەو دەڤەرن پەکەکێ لێ نیشتەجێ و داخواز ژ حوکمەتا ھەرێمێ کریە ب رێکا پەرلەمانی کو ھایداری ئەڤێ رەشێ بیت و داکو چارەسەریەکێ بۆ خەلکێ ئەڤێ دەڤەرێ ببینیت وئێدی گیانێ خەلکی نەکەڤیتە بەر بوردومانێن فروکێن تورکیا.
گوت ژی: دەڤەرا ئامێدیی ب ھەمو گوند و دەڤەرێن خوەڤە یا بەرھەڤە بەرھەمێن کشتوکالی لێ بھێتەکرن و باشترین دەڤەرا کشتوکالیێ یە و ھەروەسا دەڤەرەکە کو سروشتێ ژینگەھا وێ ب گەشت و گوزاریێ یا زەنگینە، لێ مخابن تاکو نھا کشتوکال ل ڤان دەڤەران نەھاتیە کرن و ب سەدان گوند ل ڤان دەڤەران کاڤل و وێرانن و ل ژێر کنترولا پەکەکێ دانە.
ڤی پەرلەمانتاری نەڤەشارت ژی: کو ئەو خوەنیشاندانا ٢٦/١/٢٠١٩ێ ل ناحیا شێلادزێ ھاتیە ئەنجام دان ئەوا ھاتیە رێکخستن ژلایێ سەنتەرێ رەوشەنبیری ڤە مولەتا فەرمی پێ ھاتبی دان کو دژی بوردومانا فروکێن تورکیا کو ئێدی خەلکێ سڤیل نەبنە قوربانی ململانێ یا چەکدارێن پەکەکێ و سوپایێ ترکیا زور برەنگەکێ ئاشتیانە ھاتە بریڤەبرن.
رێکانی دیارکر ژی, بەلێ پشتی کوخوەنیشاندان ب داوی ھاتی چەند گروپەکێن دی کو ژدەرڤەی ڤێ خوە نیشاندانی ھاتن و دبەر مەرا بورین کو نە دگەل خوە نیشاندا خەلکێ شێلادزێ بون ئەوا مولەت پێ ھاتیە دان و چون بو سەر بارەگایێ سوپایێ تورکیا ل کومەلگەھا سیریێ ھند لایەنا ئەڤە بو خوە ب دەلەڤی زانی کو توند و تیژی ب کارئینا تاکو گەھشتیە وی رادەی ب دەھان بریندار و دو شەھید ھاتنە دان.
ل دووماھیێ گۆت: پەکەکێ ماف نینە ل باشورێ کوردستانی دا بمینت ژبەرکو جھێ وان باکورێ کوردستانێ یە پێدڤیە ئەو وان شەر و ئالوزیێن خوە ببەنە دناڤ گورەپانا خوە دا.
